Çирĕклĕри ял клубӗнче "Мӑнкун савӑнӑҫӗ" ӑс-хакӑлпа вӑйӑ программи иртнӗ

Нумай ҫын ачаранпах Христос Чӗрӗлсе тӑнине тата унпа ҫыхӑннӑ йӑласене юратаҫҫӗ: сӑрланӑ ҫӑмартасем, куличсем тата, паллах, ҫуркуннене.
Çирĕклĕри ял клубӗнче "Мӑнкун савӑнӑҫӗ" ӑс-хакӑлпа вӑйӑ программи иртнӗ.
Ачасем уяв историйӗпе, йӑласемпе паллашнă, Мăнкун символӗсем кулич, тӑпӑрчӑ мăнкунӗ, сӑрланӑ ҫӑмартасем ҫинчен пӗлнĕ.
"Ҫӑмарта кашӑкра", "Мӑнкун мулкачӗ", "Хаваслӑ покатушкӑсем - ҫӑмарта ярӑнни", "Ҫӑмартана вӗрсе ÿкер" мӑнкун вӑййисене вылянӑ.
Мероприяти вӗҫленнӗ ҫӗре ачасем мăнкун ҫӑмартисене сăрласси мастер-класа хутшӑннă.
Сăнÿкерчĕкĕсем: Çирĕклĕри ял клубӗн социаллă сетьри страницинчен.
https://vk.com/event135580128