Мелеспуçĕнче Ҫӑварни уявĕ иртнӗ

Мелеспуçĕнче «Ҫӑварни ялта» халӑх шавлӑ уҫӑлса ҫӳрени иртнӗ. Хаваслӑ та туслӑ пулнă!

Хастар вӑйӑсемпе конкурссем пурне те пухнă. Ҫынсем ӑмӑртнӑ, кулнӑ, пӗр-пӗрин ҫӗнтерӗвӗшӗн савӑннӑ. Уяв вӗҫӗнче алла-аллӑн тытӑнса ташланă тата хӗлпе сывпуллашнине, ҫуркуннене кӗтсе илнине пӗлтернĕ катемпие ҫунтарса янă.

Анчах чи интересли клубра кӗтнӗ: тутлӑ икерчӗ тутанса пӑхасси. Ӑстасем пур тӗрлӗ икерчӗпе сӑйланӑ, уйрӑмах паланли килĕшнĕ. Тутлӑ шӑршлӑ чей ĕçесси чӗресемпе чунсене ӑшӑтнă.

#Масленица2026#МалоМенеузовскийСК

Сăнÿкерчĕкĕсем: Мелеспуçĕнчи клубăн социаллă сетьри страницинчен.

https://vk.com/club188747178