Пушкăртстанра талăк тăршшĕнче 100 пин ытла тонна тырă пухнă

Иртнĕ талăк тăршшĕнче республикăра 54 пин гектар тĕш тырă тата пăрçа йышши культурăсем çапнă, 100 пин ытла тонна тырă пухнă. Августăн 20-мĕшĕ тĕлне пĕтĕмĕшле 677 пин тонна кĕрхи тата çурхи культурăсем пухнă, гектартан 20,2 центнер тырă тухнă, пĕлтернĕ республикăн Ял хуçалăх министерствин пресс-службинче.

Вырма хăвăртлăхĕпе Зианчура районĕ чи малта пырать, унта лаптăксен 37 процентне пухнă, пĕтĕмĕшле тырă çапнинче Çтерлĕ тыр-пул ĕçченĕсене çитекенсем çук, унта 44,4 пин гектар çĕнĕ тухăç пухса кĕртнĕ. Чекмагуш районĕнче анасен чи пысăк тухăçлăхне палăртнă — гектартан 37 центнер.

«Башинформ» ИА.