Республикăри 49 районта çурхи уй-хир ĕçĕсем илсе пыраççĕ

Эрне тăршшĕнче 91 пин га кĕрхи культурăсене апатлантарнă (пĕтĕмĕшле лаптăкран 40%), 246,8 пин га нÿр тытнă (42%). Правительствăн Премьер-министрĕн çумĕ — ялхуçалăх министрĕ Ильшат Фазрахманов канашлура палăртнă тăрăх, 2019 çулхипе танлаштарсан, кăçал 2 хут ытларах ĕç тунă. 15 районта çуртри культурăсем акма пуçланă (9 пин га).

«Аграрисем 3 пин тонна минераллă удобрени хушма туяннă. Мĕнпур районсем те хăйсен запасне ÿстереççĕ — кирлинчен 65 проценчĕ пур. Тракторсемпе прицепсен 72 проценчĕ техосмотр иртнĕ. Росагролизинг çăмăллатнă программине тата 21 район хутшăннă, пĕтĕмпе 47 район. Заявкăсен пĕтĕмĕшле сумми 1 млрд 1 млн тенкĕ ытла. Эрнере тата 497 млн тенкĕ», — тенĕ Ильшат Фазрахманов.

Çураки ирттерме çăмăллатнă кредит программипе 6,8 млрд тенкĕ явăçтарнă. Иртнĕ эрнере ялхуçалăх таварĕ кăларакансене 265,8 млн. тенкĕ патшалăх пулăшăвĕ панă. Пулăшăвăн пĕтĕмĕшле сумми 1,6 млрд тенкĕ (федеральлĕ бюджет — 0,8 млрд, республика бюджечĕ — 0,8 млрд).

«Башинформ».