Районта ялхуçалăх ыйтăвĕсемпе семинар-канашлу иртнĕ

Октябрӗн 22-мӗшӗнче "Дема" ОООра тата "Марс" ОООра 2021 ҫулхи ӗҫ итогӗсене пĕтĕмлетнĕ, техника хӗллехи управа лартассипе тата выльăхсене хӗл каҫармалли ыйтусемпе семинар иртрӗ. Унта район администрацийӗн пуҫлӑхӗ Артур Зарипов хутшӑннӑ. Семинарӑн практика пайӗ Аитри "Дема" ОООн машинӑпа трактор паркӗнче пуҫланнӑ. Район администрацийӗн пуҫлӑхӗн пӗрремӗш заместителӗ — ял хуҫалӑх управленийӗн пуҫлӑхӗ Артур Галеев семинар программипе паллаштарчĕ тата ӗҫ йӗркине палăртрĕ.

Сăмах каланисем хушшинче ялхуçалăх управленийĕн специалисчĕсем тата ыттисем пулчĕç.

Тĕпрен илсен, районти ветеринари станцийӗн пуҫлӑхӗ Ратмир Мухитович Файзуханов мӑйракаллӑ вак выльӑх шучӗ унчченхи шайра тытӑнса тӑрать пулсан ĕне йышши выльăх йышӗ чакать (98%). Сӗт туса илесси те палӑрмаллах чакрӗ (88%). Ҫӗр пуҫ сахалрах пăру илнĕ. Хӗл каҫма вара, шӑрӑха пула, выльӑх апачӗ икӗ хут сахалтарах хатӗрлесе хунӑ. Районта 21 хуҫалӑхра ĕнесен юн лейкозне тупнӑ. Ку карантина ҫаврӑнма пултарать. Исангулов, Закиев тата "Искра" ООО хуҫалӑхӗсенче выльăх пуçĕсене пĕтĕмпех улăштараççĕ. Биоматериалсене пытарас енӗпе тӗрӗслев ҫивӗч тӑрӗ. Республикӑра выльӑх-чӗрлӗх масарĕсене 2027 ҫул тӗлне пурне те хупӗҫ.

Кӑҫал илнӗ субсидисем ҫинчен критикӑпа «Бижбулякский ИКЦ» МБ директорӗ Айнур Абзалов тухса калаҫрӗ. Субсидисем федераци бюджетӗнчен тӑхӑр тӗспе усӑ курнӑ. 2021 ҫулта ҫеҫ пирӗн аграрисем 33 миллион ытла тенкӗ илнĕ. Малашне субсидисене конкурссем урлӑ кӑна илӗҫ.

Районти ака лаптӑкӗсем 76700 гектар йышӑнаҫҫӗ. Вӗсене пурне те пухса кĕртнĕ. Ял хуҫалӑх производствин малта пыракансем кӑҫал Киров ячĕллĕ СПК, "Урожай" ООО, "Агрофирма «Родник» ООО тата Калинин ячĕллĕ АП ООО пулнă. Районти вӑтам тухӑҫ гектартан 12,6 центнер пулнӑ. Анчах чылай хуҫалӑхра начар кӑтартусем те пулнӑ — гектартан ултӑ центнер ытла. Паян хуҫалӑхсенче ял хуҫалӑх культурисене туса илес ӗҫ экстенсивлӑ тата нумай енлӗ технологипе усӑ кураҫҫӗ. Кивӗ сеялкӑсем вӑрлӑх акмалли тарӑнӑшне пăхăнмаҫҫӗ. Час-часах имçамламан вӑрлӑхпа усӑ кураҫҫӗ. Акаççĕ нумай, анчах пахалӑхĕ ҫук! Кӑҫал 44 пин тонна тырӑ, 9,6 пин тонна утӑ хатĕрленĕ. 16 пин тонна силос, сенаж — 10,7 пин тонна. Условнӑй кашни выльӑх пуҫне 13,9 центнер апат единици хатӗрленӗ. Витере тăмалли тапхӑр хӑш-пӗр хуҫалӑхсемшӗн кӑткӑс пулма пултарать. Пысӑк ыйту — кӗрхи культурӑсен шайӗ. Кӗрхи тырӑсем 12 500 гектар акнӑ. Вӗсем тата мӗнле хĕл каçасси пӑшӑрхантарать. Кӑҫал кӗрхи ҫӗртме пӗлтӗрхинчен ытларах сухаланă — 32 пин гектар. Лидерсем — «Агрофирма «Родник» ООО, «Урожай» ООО.

Районти ял хуҫалӑх управленийӗн начальникӗ Артур Галеев мӗн-мӗн тунине пӗтӗмлетӳ турӗ. Семинар ĕçне пӗтӗмĕшле район администрацийӗн пуҫлӑхӗ Артур Зарипов ертсе пычӗ.

Владимир СМОЛОВ.

Сăнÿкерчĕкĕсем: Владимир СМОЛОВ.

Тĕплĕнрех «Светлый путь» хаçатра вулăр.