Пушкăртстанри "Благоварский" кайӑк-кӗшӗк фабрики 90 пин ытла хурпа кăвакал кайӑк-кӗшӗк гриппне пула ҫухатнӑ

Регионти эпизоотика лару-тӑрӑвӗ енӗпе иртнĕ канашлура Раҫҫейре тата республикӑра ял хуҫалӑх чӗрчунӗсемпе кайӑк-кӗшӗк чирӗсемпе ҫыхӑнса тӑракан лару-тӑрӑва çивĕч тесе хак панă вице-премьер, ялхуçалăх министрĕ Ильшат Фазрахманов.
2021 ҫулта ҫӗршывра чир-чӗрĕн 1692 вучахне, ҫав шутра уйрӑмах хӑрушӑ чирсене регистрациленĕ. Ҫав хушӑра 295 вучахĕ федерацин Атӑлҫи округӗнче тата 5-шĕ - Пушкӑртстан территорийӗнче пуҫланнӑ. Ноябрӗн 17-мӗшӗнче чир вучахӗ Благовар районĕн территорийӗнче хыпса илнӗ. Ҫавна пула "Благоварский" кайӑк-кӗшӗк завочĕ 90 пин ытла пуç хурпа кӑвакал, Аминов фермер хуҫалӑхӗ - 5 пин пуҫ хур ҫухатнӑ. Районсенче республика Пуҫлӑхӗн Указӗпе карантина пӗлтернӗ, асӑннӑ чирпе ҫыхӑннӑ эпизоотика вучахӗсене палӑртнӑ.
Вӑл апат пахалӑхне тӗрӗслемелли хытӑ системӑна ӗҫе кӗртмелле тесе палӑртнӑ. Промышленность производствин пĕçернĕ апатне кăна туянмалла. Кайӑк-кӗшӗк предприятийӗсене зоосанитари хӳтӗлес ӗҫе тата кайӑк-кӗшӗке вакцинацилес ӗҫе вӑйлатмалла.
Канашлу пӗтӗмлетӗвӗсем тӑрӑх Андрей Назаров муниципалитет администрацийӗсене район территорийӗнче выльӑх-чӗрлӗх ӗрчетес ӗҫе тӗрӗслесе тӑрассине йӗркелеме хушрӗ; ветеринари службин тытӑмӗнче электронлӑ регистрациленипе пур выльӑх-чӗрлӗхе тата выльӑх апачӗсене район территорийӗнче ветеринари службипе килӗшсе тӑмасӑр пурнӑҫлама чарасси; ял хуҫалӑх тавар туса илекенсемпе хуҫалӑхсене выльӑх-чӗрлӗх турттаракансене ветеринари нормисемпе килӗшсе тӑма, выльӑх-чӗрлӗх тата кайӑк-кӗшӗк тытмалли обязательнӑй нормӑсене пӑхӑнасси.
"Башинформ" информацийĕпе.