Пӑрусем куҫ умӗнчех ӳсеҫҫӗ

"Урожай" ООО ферминче Александр тата Марина Крутяевсем 30 ҫул пӑру пăхаҫҫӗ

Ял ҫынни, килти выльӑх-чӗрлӗх усраканскер, лайӑх ӗнене мӑйракаран суйламаллине пӗлет. Ун пек ӗне кӗтӳре яланах ирӗклӗн ҫӳрет, хӑйӗн юлташӗсене лайӑх курӑк ҫине ямасть, ҫавӑнпа сӗт нумай парать. Анчах малтан пӗчӗк, хӑравҫӑ тата вӑйсӑр пӑрăва ура ҫине тӑратмалла, ӑна тимлӗн пӑхмалла, пӗчӗк ача пек ҫитӗнтермелле, вӑл сывӑ, самӑр та ӑратлӑ пултӑр.

— Пирӗн выльӑх пӑхакансем Крутяев мӑшӑрӗсем пек пăрусене кашни ҫын тӗрӗс те тӳсӗмлӗ пӑхма пултараймасть, — тет ҫак ҫемье пирки хуçалăх ертӳҫи Юрий Иванович Иванов. — Вӗсем яланах пӗрле ӗҫлеҫҫӗ, хӑйсен ӗҫне ӑслӑ та виҫеллӗ туса пыраҫҫӗ. Ҫавӑнпа вӗсен пурте тӳрӗ кӑмӑлпа тата пахалӑхпа пулса пырать. Пӑрусем те кунсерен куҫ умӗнчех ӳсеҫҫӗ.

Тин ҫуралнӑ пӑрусене Марина Сайфутдиновнӑпа Александр Сергеевича амӑшӗнчен уйӑрнӑ хыҫҫӑн ҫирӗм кунран параҫҫӗ. Халӗ вӗсем мӗнле ÿсесси пӑру пӑхакансенчен кӑна килет. Кунта хӑйсен ӗҫӗн профессионалӗсем Крутяевсем ӗҫе тытӑнаҫҫӗ. Вӗсем пӑрусене сӗт ӗҫме, унтан типӗ сӗт ӗҫме вӗрентеҫҫӗ. Утă, фураж çиме хăнăхтараççĕ, шыв ӗҫме вӗрентеҫҫӗ. Хӑйсем ҫитереҫҫӗ, хӑйсем пӑру витине тасатаççĕ, мӗнпур пӳлӗме пуҫтараҫҫӗ.

— Ҫак мӑшӑрсем ҫинчен яланах лайӑх сӑмахсем калас тата вӗсен ӗҫченлӗхӗпе мухтанас килет, — вӗҫлерӗ Юрий Иванович. — Маттур! Вӗсем пăхакан пӑрусем пурте сывӑ. Пурте хӑвӑрт ÿт хушаҫҫӗ. Крутяевсен килĕнче те выльӑх-чӗрлӗх нумай усраççĕ, пысӑк пахча. Мӑшӑр икӗ ача ҫуратса ӳстернӗ.

Владимир СМОЛОВ.

Сăнÿкерчĕкĕ: Крутяевсен çемье архивĕнчен.