Караидель районӗнче тап-таса юнлӑ пушкӑрт ӑратлӑ лашасем ÿстереççĕ

Кун ҫинчен район администрацийӗнче каласа панă.
Пушкӑртстанри Караидель районӗнчи Абызово ялĕнче пурăнакан Тимур Зарипов темиҫе ҫул ӗнтӗ ял хуҫалӑх сферинче хӑйӗн ӗҫне уҫас шухӑша хускатнӑ, анчах хӑяйман. Нумаях пулмасть предприниматель ӗҫ-хӗлне пуçласа яма пулăшу паракан условийӗсем туса хурасси ҫинчен калакан брошюра - "Агростартап" - унӑн куҫне лекнĕ. Ҫакӑ 2019 ҫулта "Пӗчӗк тата вӑтам предпринимательлӗх пуҫарӑвне пулӑшасси тата уйрӑм предпринимательлӗх пуҫарӑвне пулӑшу парасси" наци проекчӗн шайӗнче йӗркеленӗ фермер пулӑшӑвӗ тӗлӗшӗнчен ҫӗнӗ май. Арҫын программӑна хутшӑнма шут тытнӑ та гранта выляса илнӗ. Çав грант укçипе таса ăратлă лашасем туяннă.
Тимур Зарипов таса юнлӑ пушкӑрт йӑхӗнчи лашасене республикӑри Белорецк районӗнчен илсе килни ҫинчен каласа парать.
Предприниматель малалла та хӑйӗн ӗҫне аталантарасшăн, лаша кӗтӗвне аш-какай лашисемпе тултарас килнине палӑртнă.
Паянхи кун фермер хуҫалӑхĕ Горное ялта вырнаçнă. Кунта тӳрӗ кӑмӑллӑ ӗҫлекенсем пӑхса тӑракан 35 кӗсре тата пӗр ӑйӑр пур.
"МГ" информацийĕпе.