Пушкӑрт аграрийӗсем виҫӗ ҫул хушшинче ҫӑмӑллӑхлӑ лизингпа 1057 единица техника туяннӑ

Пушкӑртстанри ял хуҫалӑхсем 2019 ҫултан пуҫласа 2021 ҫулччен "Росагролизинг" патшалӑх компанийӗн ҫӑмӑллатнă условийӗсемпе усӑ курса 1057 единица ял хуҫалӑх техники туяннӑ. Февралӗн 8-мӗшӗнче зонăри агрономи конференцийӗнче лизинг пулӑшнипе республикӑри хуҫалӑхсенче ҫӗнӗ ял хуҫалӑх техники нумай туяннине палӑртнӑ.
"Ҫӑмӑллӑхлӑ лизинг – ял хуҫалӑх предприятийӗсен, фермер хуҫалӑхӗн техника паркне ҫӗнетме, модернизаци тума, вӗсене туянма укҫа-тенкӗ пӗр харӑсах хывмасӑр ҫӗнетмелли май, - шутлать вице - премьер, ял хуҫалӑх министрӗ Ильшат Фазрахманов. Ҫапла майпа удобрени, вӑрлӑх, ҫунтармалли-сӗрмелли материалсем туянма ҫивӗч тӑкаксемшӗн укҫа-тенкӗ сыхласа хӑварма пулать".
"Башинформ" информацийĕпе.
Сăнÿкерчĕкĕ: ПР Ял хуçалăх министерстви.