Радий Хабиров: Паян пирӗн ҫӗр ӗҫлекенсем пӗрремӗш миллион тонна тырӑ пухнӑ

Радий Хабиров социаллӑ сетьсенчи хӑйӗн страницинче паян Пушкӑртстанри ҫӗр ӗҫченӗсем, хальлӗхе пӗтӗм уй-хирӗн пиллӗкмӗш пайӗнчен сахалрах ҫапнӑ пулин те, пӗрремӗш миллион тонна тырӑ пухни ҫинчен пӗлтернӗ.
Регион ертӳҫи ҫулталӑк тухӑҫлӑ пулнине, йӑлана кӗнӗ тырӑ зонисенче кӑна мар, Зауральере тата ҫурҫӗрти вӑрманлă хирте те пур иккенне палӑртнӑ.
"Халӗ пирӗншӗн чи кирли - ҫак пуянлӑха пухса кĕртесси. Ҫанталӑк халблӗхе куншӑн юрӑхлӑ, анчах уйрӑмлӑхӗсем те пур. Кӑнтӑрлахи тата каҫхи температура пысӑк уйрӑмлӑха пула вӑйлӑ сывлӑм ӳкет, вӑл пирӗн ял ҫыннисене, хӑйсем хӑнӑхнӑ пек, ир-ирех хире тухма памасть. Тӗп ӗҫ кӑнтӑрла пулать. Акӑ пирӗн лидерсем. Стерлитамак районӗнче 100 пин ытла тонна тырӑ ҫапнӑ, Илиш – 70 пин тонна яхӑн тонна. Ҫавӑн пекех Стерлитамак хуҫалӑхӗсем лайӑх тухӑҫлӑх кӑтартаҫҫӗ - кашни гектартан 47 центнер ытла тырӑ пуҫтараҫҫӗ", - ҫырнă Радий Хабиров, вара пурне те ӑнӑҫу тата лайӑх эрне суннă.
"Башинформ" информацийĕпе.