Пушкӑртстанра 4,3 млн тонна тырӑ ҫапса илнĕ

Вӑтам тухӑҫ гектартан 29,3 центнер шутланать.
Ял хуҫалӑх министрӗ Ильшат Фазрахманов ПР Правительствинчи оперативлӑ канашлура пӗлтернӗ тӑрӑх, тӗштырӑ лаптӑкӗсен 84 процентне пуҫтарнӑ, çакă 1 млн 470 пин гектарпа танлашать.
Аургазă, Стерлитамак, Чекмагуш, Кармаскалă районӗсен аграрийӗсем пӗр гектартан 40 центнер ытла тырӑ пухнӑ.
Кӑҫал хуратул тухӑҫӗ лайӑх: гектартан 12,8 центнер, ăна пĕтĕмшле 40 пин тонна пухса кĕртнĕ. Кун пирки ПР Ял хуҫалӑх министерствин пресс-служби пӗлтерет.
"МГ" информацийĕпе.