Ялхуҫалӑх кунне халалласа мероприяти иртнĕ

Пишпÿлекре чаплӑ мероприяти иртнӗ. Районти культура Керменĕ ирттермелли вырӑн пулса тӑнӑ. Уяв хӑнисем хуҫалӑхсен ӗҫченӗсемпе ертӳҫисем, производствӑра малта пыракансем, кӑҫалхи ял хуҫалӑх ӗҫне хастар хутшӑннӑ шкул ачисем пулнă. Аграрисене уяв ячӗпе саламлама район администрацийӗн пуҫлӑхӗ Артур Зарипов, Пушкӑртстан Патшалӑх Пухăвĕн Курултайăн депутачӗ - Салават Харасов, республикӑри Ялхуҫалӑх министерствин представителӗ Ильмир Мухамадияров тата Белебейри сĕт комбиначĕн представителӗ Шамиль Шакиров килнĕ. Малашнехи ҫитӗнӳсем сунса вӗсем чи лайӑххисене наградӑсем панă.
Пишпÿлек районĕн администрацин социаллă сетьри страницинчен.
Сăнÿкерчĕкĕсем: Олег Леонтьев.