Пушкӑрт агрофирми сӗт-ҫу производствине ҫӗнетме 330 млн ытла тенкӗ инвестици хывнӑ

"Агрофирма Байрамгул" Пушкӑрт Республикин Учалă районӗн территорийӗнче выльӑх-чӗрлӗх комплексне ҫӗнетмелли инвестици проектне пурнӑҫлать. Паян компани 331,7 млн тенкӗ проекта инвестици хывнӑ.

Сӗт туса илессине ӳстермелли плансем ҫинчен хуҫалӑха ертсе пыракансем 2020 ҫулта "Инвестици" форматӗнче республикӑн Инвестици комитечӗн вырăна тухса ирттерекен ларӑвӗнче каласа панӑ. Мероприяти Сибайра, Пушкӑртстан Пуҫлӑхӗ Радий Хабиров ертсе пынипе, Пӗтӗм Раҫҫейри "Зауралье" инвестсабантуйӗн иккӗмӗш шайӗнче иртнӗ. Хальхи вӑхӑтра компани инвестици проекчӗпе Учалă районӗнчи Уразово тата Уральск ялĕсенче сӗт-тавар фермисем тӑвас тата ҫӗнетес ӗҫе вӗҫленӗ, специализациленӗ техникӑпа оборудовани, ҫав шутра уй-хир ӗҫӗсем валли, ӑратлӑ выльӑх-чӗрлӗх туяннӑ.

2023 ҫулхи I кварталта сӗт туса кӑларасси 5 пин тонна ытла пулнă.

Проекта пурнӑҫланӑ хыҫҫӑн компани 2 пин пуҫ таран фураж выльӑхӗсен йышне ӳстернĕ май сӗт туса илессине ҫулталӑкра 17 пин тонна илме планлать.

https://pravitelstvorb.ru/news/20942/

https://svetput.ru/news/ekonomika/2023-05-17/bashkirskaya-agrofirma-investirovala-v-modernizatsiyu-molochnogo-proizvodstva-bolee-330-mln-rubley-3260849