Пушкӑртстанра юлашки тăватă ҫул хушшинче 343 гектар ҫӗнӗ ҫимӗҫ сачӗ хывнӑ

Республика аграрийӗсем интенсивлӑ сад ӗрчетес ӗҫе аталантарассине тимлӗх уйӑраҫҫӗ. Юлашки тăватă ҫулта ҫӗнӗ садсем хывмалли пӗтӗмӗшле лаптăк 343 гектарпа танлашнӑ, тесе каланă Пушкӑртстанри Патшалӑх Пухӑвӗн депутачӗсем умӗнче сӑмах тухса каланӑ май правительство премьер-министрӗн ҫумӗ - Пушкӑртстанри ял хуҫалӑх министрӗ Ильшат Фазрахманов.

2022 ҫул пӗтӗмлетӗвӗсем тӑрӑх нумай ҫул хушши ÿсекен ÿсентăрансем 70 гектар ытла лартнӑ, вӗсенчен ҫурри интенсивлӑ тип ҫине кӗрет. Паян Чишмари тухӑҫлӑ питомник интенсивлӑ тата суперинтенсивлӑ сад пахчисене аталантарас енӗпе пысӑк инвестици проекчӗ пурнӑҫланать. Республикӑра ҫулсерен ҫимӗҫпе ҫырла тата тӗм культурисем 50 сорт ытла ҫитӗнеҫҫӗ, хамăр ҫӗршывӑн ҫӗнӗ сорчӗсем тухаҫҫӗ.
Ӳсентӑран ӗрчетес ӗҫӗн пӗлтерӗшлӗ ҫул-йӗрӗсенчен пӗри - пахча ҫимӗҫ туса илесси. 2022 ҫулта туса илнӗ пахча ҫимӗҫсен пӗтӗмӗшле калӑпӑшӗ 280 пин тонна, вӗсенчен хӳтӗленӗ тăпра ҫинче 68 пин тонна пахча ҫимӗҫ туса илнӗ.

Пушкӑрт Республики Раҫҫейӗн хупӑ ҫӗрӗнчи мӗнпур пахча ҫимӗҫӗн 60 процентне яхӑн туса илекен вуншар регион шутне (8-мӗш вырӑн) ҫирӗп кӗрет.

Сӑнӳкерчӗкĕ: Валерий Шахов.

https://www.bashinform.ru/news/economy/2023-06-22/v-bashkirii-za-poslednie-4-goda-zalozhili-343-ga-novyh-plodovyh-sadov-3309790