Пушкӑрт ҫӗрӗнче сахӑр кӑшманӗн виҫҫӗмӗш пайне яхӑн пуҫтарнă

Пушкӑрт ҫӗрӗнче сахӑр кӑшманӗ кăларас ӗҫ малалла пырать. Сентябрӗн 26-мӗшӗ тĕлне сахăр кăшманĕ акакан хуҫалӑхсем 12 пин гектар лаптăкран пуҫтарнă.
Республикӑра пурӗ 460 пин тонна тымарçимĕç пухнӑ. Юлашки ҫулсенчи чи пысӑк тухӑҫ - гектартан 400 центнера яхӑн.
Чишма районӗнче сахăр кăшманĕн чи пысӑк тухӑҫĕ – 118,5 пин тонна, Благовар хуҫалӑхӗсем 61 пин тонна, 52 пин тонна – Альшей хуҫалӑхӗсем пухнӑ.
Сахӑр завочӗсем иккӗшӗ те пӗр чарӑнмасӑр ӗҫлеҫҫӗ, вӗсем ҫӗнӗ тухăçран пухнă кӑшманран 16 пин тонна сахӑр туса илнӗ ĕнтĕ.

Сӑнӳкерчӗкĕ: ПР Ял хуçалăх министерстви.
https://www.bashinform.ru/news/economy/2023-09-26/novost-bez-zagolovka-3454527-3454527