Пушкӑртстанри хуҫалӑхсем 2600 ытла мӑйракаллӑ шултра выльӑх-чӗрлӗх туяннӑ

Пушкӑртстан Республикинче ял хуҫалӑх таварӗсем туса илекенсем 2023 ҫулхи тăхăр уйӑхра 2604 пуҫ ӑратлӑ мӑйракаллӑ шултра выльӑх-чӗрлӗх туяннӑ. Ку вӑл 2022 ҫулхинчен 4% нумайрах.

– Выльӑхсен пахалӑхлӑ йышӗпе кӗтӗве вӑхӑтлă ҫӗнетни —отрасль аталанӑвӗн пӗлтерӗшлӗ факчĕ, — тенĕ ПР Правительствин Премьер-министрӗн ҫумӗ ял хуçалăх министрĕ Ильшат Фазрахманов. – Унсӑр аш-какай, сӗт туса илессинче кӑтартусем ӳсессе шанма ҫук. Лайӑх стимул кунта — патшалăх пулӑшӑвӗ. Ял хуҫалӑх таварӗсем туса илекенсем Пушкӑртстанра ӑратлӑ мӑйракаллӑ шултра выльӑх-чӗрлӗх йышне туяннин тӑкакĕсен 50% субсидилеҫҫӗ, анчах пӗр пуҫшӑн 60 пин тенкӗрен ытла мар.

Аса илтеретпӗр, 2023 ҫулта Пушкӑртстанри ял хуҫалӑх выльӑхӗсен ӑратлӑ йышне туянма тӑкаксене саплаштарма лимит 220 млн ытла тенкӗпе танлашать. Укҫа-тенкӗн пысӑк пайне аграрисем патне илсе ҫитернӗ.

https://mgazeta.com/news/novosti/2023-10-02/hozyaystva-bashkortostana-priobreli-bolee-2600-golov-plemennogo-molodnyaka-krupnogo-rogatogo-skota-3462351