"Ӗҫлес пулать",

"Ӗҫлес пулать",
— шанать хресчен (фермер) хуҫалӑхӗн пуҫлӑхӗ Михаил Турленко.
Пысăках мар хресчен (фермер) хуҫалӑхӗнче пӗтӗм техника пур: хальхи комбайнсем, тракторсем, автомашинӑсем, сеялка тата ҫӗр ӗҫлекен ытти техника. Пуринчен ытла лайăххи - Турленко хуҫалӑхӗнче тӳрӗ кӑмӑлпа ӗҫлекенсем ӗҫлеҫҫӗ.
КФХ М.В. Турленко ҫӗр лаптӑкӗсен пӗтӗмӗшле лаптӑкӗ 1132 гектарпа танлашать. Вӗсенчен 590 гектар пӗрчӗллӗ культура акнӑ, 217 гектар таса пар. Хӗвелҫаврӑнӑш, йӗтӗн-кӑтра, рапс акнӑ. Уй-хирти тырпулăн вӑтам тухӑҫĕ гектар пуçне 18 цетнерпа танлашнă.
— Кӑҫал пин гектар ҫӗре ҫемҫетнӗ. Ҫӗнӗ техника туянтӑмӑр: "Vector" тырӑ вырмалли икӗ ҫӗнӗ комбайн, Беларусь ҫӗнӗ трактор тата К-700. Ҫавӑн пекех тырӑ тасатакан ЗАВ-20 комплекса ҫӗнетрĕмĕр, урӑхла каласан, пӗтӗмӗшпех тĕп юсав турăмăр. Паян тырра вырса пĕтернĕ. Уйсене пӗтӗмпех сухаланă. Кӗрхи культурăсене 300 гектар ытла акнӑ. Техникӑна упранма лартнӑ. Кӑҫал тырӑ тухӑҫлӑ, - каласа парать кӑҫалхи ĕç итогĕсем ҫинчен хресчен (фермер) хуҫалӑхӗн пуҫлӑхӗ Михаил Виталович Турленко.
Михаил Турленко хӑйӗн ӗҫченӗсене тав тунине палӑртать. Анлă профильлĕ механизаторсем теме май пур хуҫалӑхра ӗҫлекенсене, йывӑрлӑхсене пӑхмасӑр, хӑйсен ӗҫне тӳрӗ кӑмӑлтан пурнӑҫлаҫҫӗ.
— Ҫӗр ҫинче ӗҫлес пулать, вара тупăш та пулать, - палӑртать Михаил Виталович.
Неля САБАХОВА.
Сӑнӳкерчӗкĕ: Михаил Турленко архивӗ.