Радий Хабиров Пушкӑртстанри агропромышленноҫ комплексӗн ӗҫченӗсене патшалӑх наградисем панӑ

Ноябрӗн 1-мӗшӗнче Пушкӑртстан Пуҫлӑхӗ Радий Хабиров республикӑри агропромышленноҫ комплексӗнче тата апат-ҫимӗҫ индустрийӗнче ӗҫлекенсене патшалӑх наградисем панӑ.
Наградӑланӑ ҫынсем хушшинче - механизаторсем, трактористсем, отрасль министерствисен, ведомствӑсен тата вӗренӳ учрежденийӗсен хуҫалӑх тата предприятисен специалисчĕсем, ертӳҫисем, предпринимательсемпе фермерсем. Орденсем, медальсем, хисеплӗ ятсемпе хутсем 51 ҫын илнӗ.

- Паян эпир хамӑр валли ансат мар, анчах питӗ пӗлтерӗшлӗ аграри профессине суйласа илнӗ ҫынсене чыслатпӑр, - тенӗ Радий Фаритович. - Ялхуҫалӑх тата продукцие тирпейлекенсен промышленноҫ ӗҫченӗн кунӗ ячӗпе чӗререн саламлатӑп сире! Сирӗн профессионализм, ӗҫченлӗх, суйланӑ ӗҫе чунтан парӑнни пысӑк тав тума тивӗҫлӗ. Ял хуҫалӑхӗ пирӗн республикӑшӑн уйрӑмах пӗлтерӗшлӗ. Пушкӑртстан аграрисен ӗҫне пула пурӑнать, аталанать, шанчӑклӑ малалла утать. Ҫанталӑк кӑткӑс пулин те кӑҫал та эсир республикӑна лайӑх тухӑҫпа савӑнтартӑр. АПК ҫитӗнӗвӗсенче сирӗн кулленхи тимлӗ ӗҫӗр тӑрать.

https://glavarb.ru/rus/press_serv/novosti/171649.html