Китай компанийӗ Пушкӑрт хулинче шӑмӑ тирпейлекен завод туса лартать

Правительство пресс-служби пӗлтернӗ тӑрӑх,
Таньшанри трансграница электронлӑ суту-илӳ организацийӗн представителӗсемпе Ильшат Фазрахманов вице-премьер калаçу ирттернӗ. Тӗлпулу Китайри Шэньян хулинче республикӑн официаллӑ делегацийĕ пырса курнă май иртнӗ.

Китай мӑйракаллӑ шултра выльӑх шӑммисене тирпейлекен завод Пушкӑртра тăвассипе кӑсӑкланнине палӑртнă. Предприяти апат-ҫимӗҫ отраслӗнче тата промышленноҫ производствинче усӑ куракан шӑмӑ ҫӑвӗ тата микробиологире бактерипе кӑмпа ҫитӗнтермелли апат хутлӑхӗ вырăнне усӑ куракан пептон туса кӑларать. Унсӑр пуҫне завод керамикӑпа фарфор туса кӑларма кирлӗ шӑмӑ кӑмрӑк кӑларать. Продукцин пысӑк пайне КНРра ăсатаççĕ.

— Пушкӑртстан Раҫҫейре ӗне какайӗн чи пысӑк производителӗ, 2023 ҫулта регионта ҫак аш-какая 150 пин тонна ытла туса кӑларнă. Ҫавӑн пекех республикӑра мӑйракаллӑ шултра выльӑхсен йышӗ — 860 пин пуҫ, — палӑртнă Ильшат Фазрахманов.

Тепӗр пахалӑх — республика ытти регионсенчен чӗртавар тăратма май паракан логистика енчен лайӑх вырнаҫнӑ.

Сăнÿкерчĕкĕ: ПР Правительстви.
https://resbash.ru/news/ekonomika/2024-05-15/kitayskaya-kompaniya-postroit-v-bashkirii-zavod-po-pererabotke-kostey-3767534