Пушкӑртра сивӗ пулнă пирки 6 пин гектар ял хуҫалӑх культурисене çĕнĕрен акӗҫ

Ҫу уйӑхӗн пуҫламӑшӗнче тӑм ӳкнипе Пушкӑртра 10 пин гектар лаптӑкри калчасем шар курнӑ. Ял хуҫалӑх культурисем пӗтнине 6 пин гектар ҫинче палӑртнӑ. Ку территорисене çĕнĕрен акӗҫ, - пӗлтернӗ Пушкӑрт Республикин ял хуҫалӑх министрӗ Ильшат Фазрахманов оперативлӑ канашлура.
Хальхи вӑхӑтра ҫурхи культурӑсемпе палӑртнӑ лаптӑкран 58% е 1,174 миллион гектар акнӑ. Кашни кун 70 пин гектар акаҫҫӗ.

Сакӑр районти аграрисем ака ӗҫӗсене 80% ытла пурнӑҫланӑ. Вӗсем хушшинче Кармаскалă, Стерлитамак, Альшей, Чишма, Илиш, Буздяк, Давлекан тата Аургазă районӗсем. Пушкӑртстанри 15 районта территорисен 60% ытла акнӑ.
Ильшат Фазрахманов ҫапла хушса хунӑ: "Кӗрхи тырра 976 гектар лаптӑка çĕнĕрен акнӑ, пуринчен ытла ҫурхи тырă акнă".
https://mgazeta.com/news/novosti/2024-05-20/v-bashkirii-iz-za-holodov-budut-pereseivat-6-tysyach-gektarov-selhozkultur-3774577