Выльӑх апачӗ хатӗрлеме хатĕррине тӗрӗслеҫҫӗ

Майӑн 17-мӗшӗнчен пуҫласа Пишпÿлек районӗнче, ҫирӗплетнӗ графикпа килӗшӳллӗн, выльӑх апачӗ хатĕрлекен комбайнсемпе самоходнӑй косилкӑсене техника тӗлӗшӗнчен пӑхса тухма пуҫланӑ.
Пишпÿлек районӗнчи Гостехнадзор инспекцийӗнче хуҫалӑхсенче выльӑх апачĕ хатĕрлекен ултӑ комбайнăн тата самоходнӑй косилкӑсен 12 единицине регистрациленӗ. Тӗрӗслекен ялхуҫалӑх техникине, ӑна хӑрушсӑр эксплуатацилемелли требованисене тивӗҫтермелли, пушар хатӗрӗсем пурри тата механизаторсен "F" категори удостоверенийӗсем пурри ҫине тӗп тимлӗх уйăраççĕ.

Владимир СМОЛОВ.

Сӑнӳкерчӗкӗ: Владимир Смолов.