Аграрисем хастар ӗҫленĕ

Комисси районти ҫурхи уй-хир ӗҫӗсенче тата выльӑх-чӗрлӗх усрас енӗпе чи лайӑх хуҫалӑхсене палӑртнӑ.
Районти чылай ҫӗр ӗҫченӗсем ҫураки ӗҫӗсен пӗтӗм комплексне вӗҫленĕ. Районти Акатуй-2024 умĕн, тахҫантанпах йӗркеленнӗ йăлапа, ял хуҫалӑх управленийӗн ӗҫ комиссийӗ тырӑ, техника, суха тата апат-ҫимӗҫ культури акнӑ ял хуҫалӑх предприятийӗсен уй-хирӗсенче икӗ кун хушши пулнӑ. Ял хуҫалӑх управленийӗн специалисчӗсем Пишпÿлек аграрийӗсен ӗҫ пахалӑхне малтанах туса хатӗрленӗ системӑпа хаклас ӗҫӗн, тӗпрен илсен, ял хуҫалӑх культура калчисем уй-хирсенче мӗнле шăтса тухнине шута илсе, чи лайӑх организацисене палӑртнӑ. Малти вырӑнсене палăртас ӗҫре тата выльӑх-чӗрлӗх усрас енӗпе тӑратнӑ баллсене те шута илнӗ.
Ӗҫ пĕтĕмлетĕвĕсене туса пӗтернӗ хыҫҫӑн чи лайӑх кӑтартусемпе Гран-прине Калинин ячĕллĕ ООО АПна панă, кунта калчасен результачӗсем кӗрхи тырӑсен те, ҫурхи тырӑсен те, ҫавӑн пекех пӗр ҫул ӳсекен курӑклӑ выльӑх апат культурисен те питӗ лайӑх шайра. Акнӑ чухне кунта кашни гектар пуҫне минераллӑ удобренисем ҫителӗклӗ хывнӑ. Пӗрремӗш вырӑна вара кӑҫал икӗ хуҫалӑх тивӗҫнӗ — ку Киров ячӗллӗ СПК, унта пур культура та тата "памяти Кунакбаева" сортлӑ кӗрхи ыраш калчасемпе уйӗсем - районти чи лайӑххисенчен пӗри. Р. М. Арсланов КФХ-ра та акана ҫӳллӗ шайра ирттернӗ. Ку вӑл тупӑшлӑ культура — "янтарная-красная" сортлӑ чечевица акнӑ хуҫалӑхсенчен пӗри. Тӗлӗнмелле, анчах факт: пӗр пек баллсем иккӗмӗш малти вырӑна тӳрех пилӗк хуҫалӑх пухнӑ. Ку - "Марс" ООО, "Родник" ООО тата Рим Ямалтдинов, Азат Минахметов тата Александр Милютин хресчен (фермер) хуҫалӑхӗсем. Кунта та культурӑсемпе хӗвелҫаврӑнӑш калчисем лайӑх. Тӑватӑ ял хуҫалӑх предприятийӗ виҫҫӗмӗш малти вырӑна уйӑрнӑ. Ку "Урожай" ООО, С.Юлаев ячӗллӗ СПК, КФХ А.П. Трофимов тата КФХ С.В. Антонов, район Акатуйӗнче ҫак хуҫалӑхсене пурне те дипломсемпе тата хаклӑ парнесемпе наградӑлӗҫ.
Палӑртса хӑвармалла, кӑҫалхи ҫуркунне ытти хуҫалӑхсем те лайӑх ӗҫленĕ: "Дема" ООО, "Олвас" ООО, "Нива" ООО тата Г.Г. Закеева КФХ, М.В. Турленко КФХ тата Р.С. Вахитов КФХ.
Тӗп тӗллеве — пулас тырра хывассине — пирӗн аграрисем тунӑ теме пулать. Халӗ кая юлса акмалли культурӑсене акса пӗтерессине, калчасене пӑхсассине тата "ешӗл вырмана" параллельлӗ хатӗрленессине тӗллемелле.
Владимир СМОЛОВ
Сӑнӳкерчӗкӗсем: Владимир Смолов.