Пушкӑрт аграрийӗсем ҫур ҫул хушшинче ҫӑмӑллӑхлӑ программӑпа 313 ял хуҫалӑх машини туяннӑ

Пушкӑрт ял хуҫалӑх предприятийӗсемпе фермер хуҫалӑхӗсем ҫулталӑк пуҫланнӑранпа ултӑ уйӑх хушшинче ҫӑмӑллӑхлӑ программӑсене пула 313 техника туяннӑ. ПР Ял хуҫалӑх министерстви пӗлтернӗ тӑрӑх, туяннӑ техника хакӗ 2,2 миллиард ытла тенкĕлĕх, ку 2023 ҫулхи пӗрремӗш ҫур çулхипе танлаштарсан, икӗ хут пысӑкрах.

Ведомствӑра ҫакна аса илтернĕ: Пушкӑртстан Пуҫлӑхӗ тата "Росагролизинг" компанин ертӳҫи Петербургри Пӗтӗм тӗнчери XXVIII форумӗн площадкинче Пушкăрт Республикин АПКпа ҫыхӑнса ӗҫлессине анлӑлатасси тата информаци тытӑмӗсен интеграцине тӗпе хурса регионти министерствӑпа ҫыхӑнса ӗҫлессине аталантарасси ҫинчен калаҫса татӑлнӑ.

Республика ял хуҫалӑх таварӗсем туса илекенсене хушма пулӑшу парать тата АПК техника паркне модернизацилемелли регионти программа шайӗнче малтанхи тӳлевсен пӗр пайне (50% таран) компенсацилет.

Пушкӑртра туяннӑ ял хуҫалӑх техникин пӗтӗмӗшле хисепӗпе хакӗ 1100 машина 5,1 миллиард тенкӗпе танлашнӑ.