Лайӑх запаспа выльăх апачĕ хатӗрленӗ

Шайнур Хабрахманович ЛУКМАНОВ, районти ялхуҫалӑх управленийĕн тӗп зоотехникӗ: — Пурнăçра сенажа траншейӑна вырнаҫтармасӑр сенажлани тахҫанах пур. Паллах, сенаж массипе унӑн тутӑ пахалӑхне пысӑк ҫухатусем пулатех. Анчах хуҫалӑхăн ирӗксӗрех çапла тума тивет. Сӑмахран, пирӗн районти Николай Коваленко КФХ Боголюбовка ялне динамикӑпа ҫирӗп аталанакан тӗслӗхе илер. Кунта выльӑх-чӗрлӗх комплексӗнче пин пуҫ ытла выльӑх пур. Ҫакна асӑрхаттарас тетӗп: вӗсем пурте ҫулталӑкӗпех картара тăраҫҫӗ. Кунта та комплексра тӗпрен туса лартнӑ типлӑ силос шӑтӑкӗсем пур. Анчах вӗсене кӑҫал интенсивлӑ ҫумӑрсемпе лайӑх курӑка пула тултарса лартнӑ. Ҫавӑнпа кунта та тикӗс ҫӗр ҫинче сенаж тӗмески тума тивнӗ. Пӗтӗм хуҫалӑхри механизаторсемпе выльӑх-чӗрлӗх ӗрчетекенсене шута илсе палӑртас килет: вӗсем хӗллехи вăхăтра витере выльӑх-чӗрлӗх усрама кирлӗ чухлӗ апат-ҫимӗҫ хатӗрлесе ҫитерчӗҫ. Ҫапла вара Ямалтдиновсен кашни условнăй выльăх пуҫне 70 центнер апат единици тунӑ. Ку пӗр хĕллене кӑна мар, икӗ хĕллене ҫитмелле. — Выльӑх-чӗрлӗх ӗрчетесси — пирӗн ял хуҫалӑхĕн йӑлана кӗнӗ вӑйлӑ отраслĕ, вӑл регион агропродукцийӗн ҫуррине ытла парать. Пушкӑртстан выльӑх-чӗрлӗх ӗрчетес ӗҫӗн пӗтӗмӗшле продукцийӗн калӑпӑшӗпе Раҫҫейре малта пыракан пилӗк регион шутне кӗрет. Пирӗн хуҫалӑхсенче мӑйракаллӑ шултра выльӑх 850 пин пуҫ, ҫав шутра ӗнесем — 360 пин пуҫ. Сӗт суса илессипе тата ӗнесен пӗрлехи шучĕпе эпир — ҫӗршывра иккӗмӗш вырӑнта, - палӑртнă Пушкӑртстан Пуҫлӑхӗ Радий Хабиров Ермекей районӗнчи сӗт-ҫу выльăх-чĕрлĕх ӗҫне аталантарас енӗпе вырăна тухса ирттернĕ канашлура.