Фермер Светловкӑна ҫутӑ шанăç парать

Николай Иванович Александров фермерӑн ҫирӗп аталанакан хресчен (фермер) хуçалăхĕ пӗчӗк ялти сакӑр ҫын пурнӑҫне тивӗҫтерме пулӑшать.
Михайловка ял Совечӗн территорийӗнче паян халӑх пурăнакан сакăр вырăн вырнаҫнӑ. Районӑн ҫурҫӗр-хӗвеланӑҫ пайӗнче вырнаҫнӑ ял тӑрӑхӗн тухӑҫлӑ ҫӗрӗсенче сакӑр хресчен (фермер) хуҫалӑхӗсем ҫирӗп аталанаççĕ. Унӑн чиккинче, Аксаково чугун ҫул станцийӗпе юнашар, илемлӗ вырӑнта Светловка ялĕ вырнаҫнӑ. Район картти ҫинче халӑх пурăнакан çак вырăн 1928 ҫулта ҫуралнӑ. Паян кунта тӑватă ҫуртри сакӑр ҫын пурнӑҫ таппăмне тытса пыраççĕ. 2015 ҫултан пуҫласа ялӑн пӗртен-пӗр тӗрекӗ - техникӑпа производство хӑвачӗсемпе лайӑх пуянлатнӑ, пысӑк йышпа шултра тата вак выльӑх-чĕрлĕх усракан Николай Иванович Александровӑн хресчен (фермер) хуҫалӑхӗ шутланать.
Эпир ку хуҫалӑхра Михайловка ял совечӗн пуҫлӑхӗпе Сергей Никитинпа пултӑмӑр.
— Хӗллехи тапхӑрта Светловкӑна, ҫула юр хӳсе кайнӑ вӑхӑтра, ҫитме йывăртарах пулса пырать, - тет Сергей Александрович. — Ялта ватӑ ҫынсем пурӑнаҫҫӗ. Вӗсене кирек хӑш самантра та медицина пулӑшӑвӗ те, чи кирлӗ апат-ҫимӗҫпе тивӗҫтересси те, пушара хирӗҫ хӑрушсӑрлӑха тӗрӗслесси те кирлӗ пулма пултарать. Ҫил-тӑмансенче электричество линийӗсене пӑснӑ пирки темиҫе хутчен те юсама тиврӗ. Ку енчен çул тасатакансем калама ҫук пысӑк пулӑшу параҫҫӗ. Ҫакӑншӑн Наиль Габдуллович Гатауллина тата, паллах, вырӑнти КФХ ертӳҫине Николай Иванович Александрова тав тӑвас килет. Ялта фермер хуҫалӑхӗ пур чухне ку ял пурӑнӗ. Вӗсем пӗр-пӗринпе тату пулни курӑнать. Эпӗ Николай Ивановича Светловкăра пурăнакансен пурнӑҫӗнчи кӑткӑс тапхӑрĕсенче пулӑшнӑшӑн тав тӑватӑп. Вӑл вӗсене нихҫан та пулӑшу пама хирĕçлемест.
Хуҫалӑхри ҫурт-йӗрсем, ферма ҫурчӗ тата фермер машинӑпа трактор паркӗ ял тулашӗнче вырнаҫнӑ. Кунта уҫӑ пӗлӗт айӗнче техника нумай йӗркеленсе тӑнӑ. Картишсенче выльăх-чĕрлĕх тулли.
— Кӑҫал манӑн юбилейлă çул. Эпӗ Светловкӑра пур документсене те йӗркелесе, фермер хуҫалӑхне йĕркелени вунӑ ҫул иртрӗ вӗт, - тет утмӑл çулхи Николай Иванович. — Манӑн ӑна ҫемье ферми пек йӗркеленӗ, унта шултра тата вакă мӑйракаллӑ выльӑхсем, ытларах аш-какай ăратлисем усратпăр. Мӑйракаллӑ шултра выльӑхсен пӗтӗмӗшле йышӗ 55 пуҫ, вӗсенчен 20 сăвăнакан ӗне. Сӗте Аксаково тата Пелепей пасарӗсенче хам тӗллӗн турттарса сутатăп. 30 сурӑх пур. Ҫуллахи тапхӑрта выльӑх-чӗрлӗхе йӗркеллӗ усрама эпир помощниксемпе ҫителӗклӗ выльӑх апачӗ: утӑ, улӑм, фураж хатӗрлерӗмӗр. Хуҫалӑхра выльӑх апачӗпе фураж культурисем ҫитӗнекен 62 гектар ҫӗр ҫирӗплетнӗ. Ҫӗре ҫемҫетме техникӑпа прицеплӑ оборудованин тулли пуххи пур. Ку Т-150 трактор, кустӑрмаллă икĕ трактор, икӗ комбайн тата газик-самосвал автомобиль. Пӗлтӗр пресс-подборщик туянтăмăр. Ҫуллахи тапхӑрта вăкăрсене тӑрантарса усрама ҫӗнӗ ӑшӑ ҫурт тума пултартӑмӑр. КФХра договор никӗсĕпе Рафаэль Саубановпа Владимир Максимов выльӑх пӑхакансем ӗҫлеҫҫӗ. Ферма территорийӗнче ĕçлекенсем валли канмалли пӳлӗм пур. Ӗҫ хыҫҫӑн ҫӑвӑнмалли мунча пур. Выльӑх-чӗрлӗхе хĕл каçарасси ҫил-тӑман тата юр пулсан та йӗркеллӗ пырать.
Эпир Светловкӑран тухса кайнӑ чух, тарӑн траншейӑсем евӗрлӗ хӗллехи ҫулпа кукӑр-макӑр пынӑ чух, Светловкăра пурӑнакан ҫуртсенче хӑш-пӗр ҫӗрте чӳречесенчен ҫутӑ ҫутни курăнчĕ, ялта пурнӑҫ малалла тӑсӑлнине ӗнентернӗ пек туйӑнчĕ.
Владимир СМОЛОВ.
Сӑнӳкерчӗкӗсем: Владимир Смолов.