Путин Раҫҫей ҫыннисене Ял хуҫалӑх ӗҫченӗсен кунӗпе саламланӑ

 

#владимирпутин

РФ Президенчӗ Владимир Путин октябрӗн 12-мӗшӗнче Раҫҫей ҫыннисене Ял хуҫалӑх тата тирпейлекен промышленноҫ ӗҫченӗсен кунӗпе саламланӑ.

«Хаклӑ туссем! Сире уяв ячӗпе — Ял хуҫалӑх тата тирпейлекен промышленноҫ ӗҫченӗсен кунӗ ячӗпе саламлатӑп. Сирӗн ҫӗр ҫинче, уй-хирте, агропромышленноҫ комплексӗн предприятийӗсенче тӑрӑшса, яваплӑ ӗҫӗр Раҫҫейре яланхи пекех уйрӑмах хисепре», - тенӗ вӑл.

Унсӑр пуҫне РФ Президенчӗ юлашки ҫулсенче Раҫҫей агропромышленноҫ комплексӗн ҫитӗнӗвӗсем наци мӑнаҫлӑхӗ пулса тӑнине палӑртнӑ. Вӑл каланӑ тӑрӑх, иртнӗ ҫул Раҫҫейре риспа ҫу культурисен рекордлӑ тухӑҫӗсене пухнӑ, тыр-пул тухӑҫӗ вара ҫӗршывӑн ҫӗнӗ историйӗнче чи лайӑх пилӗк çула кӗнӗ. Унсӑр пуҫне Путин выльӑх-чӗрлӗх тата кайӑк-кӗшӗк туса илесси те чи пысӑк пӗлтерӗшсене ҫӗнетнине палӑртнă.

 

Сӑнӳкерчӗкĕ: http://static.kremlin.ru/media/events/photos/