Ашшӗ пекех ялхуçалăхĕнче вăй хурать

Пăслăкри Алексей Егоровӑн механизаторта ĕçленин 37 ҫулхи опыт пур.

Ҫурхи ака ӗҫӗсем вӗҫленнӗ хыҫҫӑн, тырă ÿстерес ӗҫ, выльӑх-чӗрлӗх ӗрчетес ӗҫпе пĕр-пĕринпе çыхăнса пӗр тан пулса пынӑ май, хуҫалӑхсенче механизаторсен вӑхӑтлӑха канасси ҫинчен шухӑшлама май çук:  выльӑх-чӗрлӗх усрас тапхӑрта выльӑх-чӗрлӗх хӗл каҫма валли апат хатӗрлесси  кун йĕркинче тӑрать. Ҫанӑ тавӑрма, выльӑх апачӗ хатӗрлеме тивет. Хатӗрлесе хунӑ апат пахалӑхӗнчен выльӑх-чӗрлӗх тухӑҫлӑхӗ тата выльӑх-чӗрлӗх хуҫалӑхӗн экономика тухӑҫлӑхӗ тӳрремӗнех килнине опытлӑ механизаторсем пӗлеҫҫӗ. Ҫавӑнпа техника хатӗрлес ӗҫе уйрӑммӑнах тӗплӗн тăваççĕ. 

— Пирӗн хуҫалӑхра паян икĕ РСМ-100 «Дон 680 М» выльӑх апачӗ хатĕрлемелли комбайнсем, самоходнӑй косилка, пресс-подборщиксем пур, эпир механизаторсемпе пӗрле тырӑ вырма тухма тата чи малтан хӗвелтухӑҫ козлятникне выльӑх апачлĕх культурине хатӗрлеме тухатпăр, — тет А.Н.Милютинăн хресчен (фермер) хуҫалӑхӗн механизаторӗсен мобильлĕ бригадин бригадирӗ Алексей Егоров. — Выльăх апатне  кӗске вӑхӑтра хатĕрлетпӗр. Ҫанталӑк пӑсӑлса ан кайтӑрччӗ кӑна, ку пирĕншĕн пӗрремӗш хут мар. Техникӑпа ҫынсем шанăçа тÿрре кăларĕç.

А.Н. Егоровӑн механизатор стажӗ 1988 ҫултанпа пуҫланать, вӑл Троицкинчи 180мĕш СПТУ вӗренсе тухнӑ та анлă профильлӗ тракторист-машинист дипломне илнӗ. Вӑл ашшӗ çулĕпе кайнă, уншӑн нимӗн чухлӗ те ӳкӗнмест. Нумай ӗҫленӗ çулсенче, хӑй каланӑ тӑрӑх, тракторсемпе комбайнсемпе автомобильсен тӗрлӗ маркисене лайӑх вӗренсе ҫитнӗ. Кирек мӗнле техникӑна та юратакан ҫын каланӑ тӑрӑх, самолетпа вертолет тытса пыма хӑтланса пӑхманни кăна юлать.

— Эпӗ Йăлпăлакра ҫуралса ӳснӗ, — малалла калать Алексей Николаевич. — Пирӗн Николай Михеевичӑн, районта малта пыракан механизатор пулнӑскерĕн тата колхозра дояркӑра ӗҫленĕ Нина Федоровна аннен, икӗ ывӑлпа икӗ хӗр пулнă. Анатолий пиччепе эпир ачаранпах техникӑна юратса пӑрахрӑмӑр. Паллах ӗнтӗ, ҫамрӑк каччӑсем нумайӑшӗ мотоциклсемпе, ҫӑмӑл автомобильсемпе хăвалама юратнӑ. Ҫавӑнпа пулас ял-йышпа туссем пиччене «Каскадер» тесе чӗнетчĕç, мана «Шумахер» тетчĕç. Ку ятсем ҫирӗп вырнаҫрӗҫ, анчах эпир куншӑн кӳренместпӗр. Техникӑна юратни мана токарь те, сварщик те пулса ӗҫлеттерчӗ. Эпир халӗ те металлоломран мӗн те пулин шухӑшласа кӑларса пуçтарма юрататпӑр. Мини-трактор пухасси маншӑн йывӑр мар.

Мӑшӑрӗпе Наталья Леонидовнӑпа икӗ ывӑлпа хӗр ҫитӗнтернӗ. Агафонпа Иван ывăлĕсем виҫҫӗмӗш ҫул ӗнтӗ ятарлӑ ҫар операцине хутшӑнаҫҫӗ. Диана хӗрӗ Октябрьский хулинчи колледжра вӗренет. Егоров мӑшӑрӗсен пӗчӗк мӑнукӗ Матвей ҫитӗнет. Вӗсен Пăслăкра хӑйсен ҫурчӗ, пысӑк хуҫалӑх. 

Владимир СМОЛОВ.

Сӑнӳкерчӗкӗ: Владимир Смолов.