Нихӑҫан та кулянмасть, хӑйӗн оптимизмӗпе тӗлӗнтерет

Александр Тихонов: ертӳҫӗ, комбайнер тата мухтанмалли ҫын кӑна.

Киров ячӗллӗ ял хуҫалӑх производство кооперативӗ пирӗн районти ҫирӗп аталанакан хуҫалӑхсенчен пӗри. Вӑт, вӑтӑр пилӗк ҫула яхӑн ӗнтӗ кооперативӑн организаципе производство форми упранса юлать. Хуҫалӑхра ӗҫчен, хастар та хӑйсен ӗҫне чунтан парӑннӑ ӗҫченсем вӑй хураҫҫӗ. Кооператив экономикӑри кӑткӑс условисене пӑхмасӑр ҫирӗп аталанса пырать, ял хуҫалӑх производствине йӗркелес ӗҫре ҫӗнӗ мелсем пулӑшнипе ҫав условисене ҫӗнтерет.

Сухаламалли ҫӗрсем 3640 гектар. Кӑҫал лайӑх тухӑҫ пухнă, пӗтӗмпе 42120 центнерпа танлашнă. Тухӑҫ пӗр гектартан 20 центнерпа танлашать. Хуҫалӑхра пӗрчӗллӗ культурӑсене акмалли прогрессивлӑ технологисемпе усӑ кураҫҫӗ. Акана ҫум курӑкпа кӗрешмелли меслетсене лайӑхлатма, акмалли вӑхӑта кӗскетме, ӳсен-тӑрана типӗ ҫанталӑка хирӗҫ тӑма тата ҫирӗп тухӑҫ илме май паракан ҫтерлӗ сеялкӑсемпе тӑваҫҫӗ. Киров ячӗллӗ СПКра хура тул культури йӑлана кӗнӗ. Кӑҫал ҫак ял хуҫалӑх культурине акма 400 гектар лаптӑк уйӑрнӑ. Акнӑ чухне пӗрремӗш репродукцири вӑрлӑхпа усӑ курнӑ. Ҫупа вӑрлăх валли хӗвелҫаврӑнӑш, ҫавӑн пекех выльӑх апачӗ валли силос хума вика тата куккурус хутӑштарса хӗвелҫаврӑнӑш акаҫҫӗ.

Предприятин выльӑх-чӗрлӗх отраслӗ лайӑх хӑвӑртлӑхпа аталанать. Кооперативра 650 пуҫ ытла мӑйракаллӑ шултра выльӑх, ҫав шутра 250 пуҫ сутаракан ӗне шутланать. Кӑҫалхи тӑхӑр уйӑхра пӗтӗмӗшле сӗт сӑвасси 6750 тоннӑна ҫитнӗ. Кашни фураж ӗнинчен 2700-шер килограмм сӗт сунӑ. Уйрӑмах сӗт пахалӑхӗ ҫине тимлӗх уйӑраҫҫӗ. Ҫак тӗллевпе «Клевер-2» аппарат, сӗте ҫӳхе тасатмалли фильтрсем туяннӑ. Талӑкра пӗрремӗш сортлӑ икӗ тонна ытла сӗт сутаҫҫӗ. 2007 ҫулта туяннӑ выльӑх апачӗ валеҫекен-хутӑштаракан пысӑк вырӑн йышӑнать. Сӗтеклӗ выльӑх апатне ытларах вӗтетни ял хуҫалӑх выльӑхӗсем лайăх çиессине ӳстерет тата сӗт сӑвассине ӳстерсе пысӑк пахалӑхлӑ апатпа перекетлӗ усӑ курасси патне илсе пырать.

Хуҫалӑха Александр Маркелович Тихонов — опытлӑ, хут пӗлекен, хӑйӗн ӗҫне пӗлекен, юратакан специалист ертсе пырать. Вӑл нихӑҫан та кулянмасть, хӑйӗн оптимизмӗпе тӗлӗнтерет. Унпа тӗл пулсан сывлӑх сунатӑн та ӗҫсем мӗнле пынине ыйтатӑн. Кун пирки унӑн яланхи пекех пӗр хурав: «Упкелешме çылӑх». Вӑт ҫавӑн пек вӑл. Александр Маркелович хӑйӗн ертсе пыракан ӗҫне вырма вӑхӑтӗнче тыр-пул пухса кӗртекен комбайнпа пӗрлештерет. 31 ҫул ӗнтӗ вӑл комбайн штурвалӗ умӗнче вырма вӑхӑтӗнче. Кӑҫал вӑл 6600 центнер тырӑ ҫапнӑ. Вӑл питӗ сӑпайлӑ ҫын, унӑн тивӗҫӗ пирки каланине юратмасть. Ҫак кунсенче Александр Маркелович Тихонов хӑйӗн утмӑл ҫулхи юбилейне палăртать. Ӑна ҫирӗп, ырӑ сывлӑх сунатпӑр, унӑн нихӑҫан та вӑй-хал, оптимизм ан иксӗлтӗр.

Гази МУХАМЕТОВ.

Сӑнӳкерчӗкӗ: Гази Мухаметов.