Вулакан пирĕнпе пуласса шанатпăр

Апрелĕн 1-мĕшĕнчен 2-мĕш çур çул валли хаçат-журнал çырăнмалли кампанин тĕп тапхăрĕ пуçланчĕ. Районта пурăнакансен пысăк йышĕ çак тапхăрта район хаçачĕпе «Çутă çулпа» (вырăсла тухать) туслă юласса, вулакансем çумне çĕннисем те хутшăнасса шанас килет.

Апрель уйăхĕн 5-мĕшĕнчен пуçласа 15-мĕшĕччен çырăнтару вунăкунлăхĕ (декадник) иртет. Декадник вăхăтĕнче кирек епле хаçат-журнал хакĕ те 10 % йÿнерех.

Меллĕ самантпа усă курса почта уйрăмне çитсе килме васкăр. Çакна та асăрхаттарса хăварас килет: хаçата килтен тухмасăр www.rbsmi.ru сайтра тата "Раççей почтин" официаллă сайтĕнче çырăнма пулать.
Çавăн пекех Пишпÿлекре пурăнакансем район хаçатне редакци урлă çырăнса илме пултараççĕ.

«Çутă çул» хаçата çырăнăр, вулăр, пирĕнпе пĕрлех пулăр!

Читайте нас: