Хӗрарӑмсем СВОра ытларах пулӗҫ: боецсене пулӑшма хӗрарӑмсен отрячӗсем туса хурӗҫ

Пушкӑртстан Пуҫлӑхӗ Радий Хабиров боецсене госпитальсенче пулӑшма хӗрарӑмсен отрячӗсем йӗркелеме хушнӑ.

Зонӑра хӗрарӑм ролӗ тӗрлӗрен — медиксем, топографсем, связистсем, поварсем, кадровиксем, снайперсем, волонтерсем. Анчах унта ӗҫлеме кашни ҫын пултараймасть, ҫитменнине тата хӗрарӑма уйрӑмах йывӑр. Анчах Пушкӑрт хӗрарӑмӗсем регион ертӳҫинчен аманнӑ ҫар ҫыннисене пулӑшу пама тата пӑхма яма хӑйсем ыйтнӑ.

Радий Хабиров хӗрарӑмсен сӗнӗвне тимлӗ итленӗ. Вӑл арçынсене госпитальсенче пӑхма кирли ҫинчен, вӗсен тумтирӗсене ҫумалли, апат-ҫимӗҫ илсе килмелли ҫинчен каласа килӗшнӗ. Регион пуҫлӑхӗ каланӑ тӑрӑх, паян тӑванĕсенчен нумайӑшӗ килте ларма пултараймаҫҫӗ, боецсене пулӑшма хатӗр.

Радий Хабиров ҫапла шутлать: хӗрарӑмсене отряда пухмалла, Оборона министерствин медуправленине, ЛНР правительствине тухмалла. Вӑл ӑсатас тӑкаксене пурне те республика хӑй ҫине илме сӑмах парать. "Ку тӗрӗс ӗҫ. Ку шӑпах ҫавӑнта каяс текенсемшӗн, - тенӗ республика пуҫлӑхӗ. - Тен, ӑсатас умӗн вӗсене пуҫтармалла та медицинӑпа тактика хӑнӑхӑвӗсем памалла".

Пушкӑртстан Пуҫлӑхӗ ҫак ӗҫе системӑлама, хӗрарӑмсен отрячӗсене йӗркелеме тата вӗсене кирлӗ ҫӗре ӑсатма хушнӑ. Каярахпа вӗсем СВО ветеранӗн статусне илме пултараҫҫӗ.

https://mgazeta.com/articles/SVO/2024-10-28/zhenschin-na-svo-stanet-bolshe-v-bashkirii-sozdadut-zhenskiy-otryad-dlya-pomoschi-boytsam-3986943