Чӑн-чӑн геройсем юнашар пурӑнаççĕ

Çирĕклĕ ялӗнче "Хамӑр вӑхӑтри паттӑрсем" ятлӑ паттӑрлӑх урокӗ иртнӗ. Ӑна ялти ентешӗмӗрсене халалланӑ.

Урок пуҫламӑшӗнче ертсе пыракансем Çирĕклĕ ял совет пуҫлӑхне Людмила Ивановна Романована сӑмах панă. Вӑл ҫар операцине хутшӑнакансене тав тунă.

Мероприяти пынӑ май пирӗн Тӑван çӗршыв хӳтӗлевçисем Раҫҫей суверенитетне хӳтӗлекенсен паттӑрлӑхӗпе çирĕплĕхĕ ҫинчен каласа панă.

Боецсем ачасене хӑйсен Тӑван çӗршывне юратмалли, хӑйсен халӑхӗпе Тӑван ҫӗршыв умӗнче граждан тивӗҫне пурнӑҫламалли, учительсемпе ашшӗ-амӑшĕсене хисеплемелли ҫинчен каласа панă. Арçын ачасене хӑйсен характерӗпе тивӗҫлӗхне ӳстерме сӗннĕ.

Боецсем хӑйсен тӑванӗсене, ял-йышне мораль тӗлӗшӗнчен пулӑшни питӗ пӗлтерӗшлӗ пулнине палӑртнă.  Ачасем нумай ыйтусем панă, вӗсене пурте интереслентернĕ. Тӗлпулу вӑхӑтӗнче ачасемпе боецсем пӗр-пӗрне хӑйсен сӗнӗвӗсене стена ҫумне ҫирӗплетнĕ.

Мероприяти вӗҫӗнче пухӑннисем боецсене тӗл пулнӑшӑн тав тунă, вӗсене сывлӑх, ҫар ӗҫӗнче ҫитӗнӳсем суннă, чи кирли —Ҫӗнтерӳпе чӗрӗ те сывӑ киле таврӑнасси. Ялти волонтерсем окоп ҫуртисем панă. Пухӑннисене пурне те тав туса боецсем ҫапла каланӑ: "Кун пек пулӑшупа эпир ҫӗнтеретпӗрех!"

Ҫапла конкретлӑ тӗслӗхре пухӑннисем чӑн-чӑн геройсем юнашар пурӑннине, паттӑрлӑх, çирĕплĕх, Тӑван çӗршыва юратни чӑн-чӑн ҫын пахалӑхӗ пулнине курнă.

Унтан ачасем геройсемпе асӑнмалӑх сăнӳкерчĕк ÿкнĕ.

Тӗлпулу хумхануллӑ та асра юлмалла иртнĕ.

Сăнÿкерчĕкĕ: Çирĕклĕри ял клубĕн социаллă сетьри страницинчен.

https://vk.com/event135580128