Пушкӑрт Пуҫлӑхӗ пуçне хунă геройсен ҫемйисене Шаймуратов орденӗсем панӑ

Пушкӑрт Пуҫлӑхӗ Радий Хабиров Салаватра СВОра çар задачисене пурнӑҫланӑ чухне пуçне хунă салтаксен ҫемйисемпе тӗл пулнӑ.

Регион ертӳҫи Шаймуратов орденӗсене геройӗсен тӑванӗсене панӑ, вӗсене хурланнине пĕлтернĕ. Ҫавӑн пекех Радий Хабиров Тӑван çӗршыва хӳтӗлекен чӑн-чӑн патриотсене воспитани панӑшӑн ҫемьесене тав тунӑ. ПР Пуҫлӑхӗ ашшӗ-амӑшӗсем, арӑмӗсемпе ҫывӑх çыннисем кирек хӑш вӑхӑтра та вырӑнти администрацинче пулӑшу ыйтма пултарнине палӑртнӑ.

"Вӗсем — пирӗн геройсем, эпӗ яланах ҫапла калатӑп: пирӗн задача — вӗсем ҫинчен яланах асра тытмалла тӑвас пулать. Паллах ӗнтӗ, ҫемьесенче, уйрӑмах ача-пӑчасен ӗҫӗсем мӗнле пынине ӑнланас пулать. Мӗншӗн тесен пирӗн задача — вӗсем вӗренччӗр тата лайӑх пӗлӳ илме пултарччӑр тесе тӑрӑшасси", - тесе каланӑ Хабиров.

ПР Пуҫлӑхӗ каласа панӑ тӑрӑх, паян республикӑн кашни хулипе районӗнче пуçне хунă ентешсене ӗмӗр-ӗмӗр асра тытассипе ӗҫлеҫҫӗ.

"Ятарлӑ ҫар операцийӗ пӗтсен, эпир Уфара пысӑк комплекс тӑвӑпӑр. Ку вӑл пуçне хунă — сирӗн ачӑрсемпе упӑшкӑрсене —асӑнмалӑх мемориал пулать", — тенӗ вӑл.

Сăнÿкерчĕкĕ: Азат Мухамедьянов / ПР Пуҫлӑхӗн пресс-служби.
https://www.bashinform.ru/news/svo/2024-11-22/glava-bashkirii-peredal-semyam-pogibshih-geroev-svo-ordena-shaymuratova-4020283