Пушкӑрт ҫыннисене "Халӑх фрончӗ. Пурте Ҫӗнтерӳ валли!» кӑкӑр паллисем панă

Ҫӗршыв президенчӗ Владимир Путин хушнипе йӗркеленӗ наградӑсене регионта пурӑнакан 29 ҫын тивӗҫнӗ, — пӗлтернӗ ПР Пуҫлӑхӗн администрацийӗнче.

Наградӑна хӑйсен тата ҫӗнӗ территорисенче пурӑнакансене пулӑшас ӗҫе пысӑк ĕлĕш хывнӑшӑн параҫҫӗ. Палӑртнисем хушшинче педагогсем, врачсем, предпринимательсем, влаҫ представителӗсемпе пысӑк предприятисен представителӗсем, артистсем.

— Ку залра пирӗн республикӑра пурӑнакан чи хастар та сÿрĕк мар кăмăллă ҫынсем пухӑннӑ. Фронта вӑй ҫитнӗ таран пулӑшакансем, пирӗн ҫӗнтерӗве ятарлӑ ҫар операцийӗн чиккисенче ҫывхартакансем. Гуманитари конвойӗсене йӗркелеме хутшӑнакан ӗҫ коллективӗсем ҫар служащийӗсем валли хаклӑ спецтехника туянаҫҫӗ, СВОна хутшӑнакансен ҫемйисене пулӑшу параҫҫӗ. Ҫӗнӗ регионсенче пурӑнакансене пулӑшма Донбаса темиҫе хут та кайнӑ тухтӑрсем. Республикӑра пурӑнакансем маскировка сеткисем яваҫҫӗ, окоп ҫуртисем шӑратаҫҫӗ, килти лапша, тушенка хатӗрлеҫҫӗ. Эпӗ хам унта пулнă, ҫавӑнпа та пӗлетӗп: ҫакӑн пек тӑрӑшни пирӗн салтаксене ӑшӑтать, вӗсен мораллӗ сывлӑшне ҫӗклет, — палӑртнă ПР Пуҫлӑхӗн администрацийӗн ертÿçĕн тивĕçĕсене пурнăçлакан Азат Бадранов.

Тӗслӗхсем нумай. Стерлитамак предпринимателӗ Александр Кузьменко 3D-принтерсем ҫинче сброссемпе хвостовиксем хатӗрлет. Уфари Павел Попков FPV-дрон тӑвать. Халӑх фрончӗн представителĕ, ПР Патшалăх Пухăвĕн — Курултайăн депутачĕ Альфит Нигаматьянов пулăшнипе пилĕк пин ытла боец тата вӗсен 49 регионти ҫемье членӗсене право енĕпе пулӑшу пама пултарнă. Пушкӑрт казначействин сотрудникӗсем маскировка сеткисем яваҫҫӗ. Салаватри Александр Бабаян темиçе хут та гуманитари конвойӗсене йĕркеленĕ тата ăсатнă ĕçе хутшăннă, каласа панă «РБ».

— Эпир хамӑрӑн боецсене пулӑшас тесе вӑй-халне шеллемен граждансене тав тӑватпӑр. Халӑх фрончӗ урлӑ передовоя тӗрлӗ йышши пулӑшу яраҫҫӗ: шоколадран пуҫласа бульдозер таран, квадрокоптертан пуҫласа окоп ҫурти таран, — палӑртнă Пушкӑртстанри Халӑх фрончӗн председателӗ Шамиль Валеев.

Сӑнӳкерчӗкĕ: Валерий Шахов.

https://resbash.ru/news/obshchestvo/2024-11-25/zhitelyam-bashkirii-vruchili-nagrudnye-znaki-narodnyy-front-vsyo-dlya-pobedy-4022838