Пишпÿлекри 2-мĕш вăтам шкул музейӗнче ҫӗнӗ экспозици уçнă

"Пирӗн геройсем" - ҫапла ят панă Пишпÿлекри 2-мĕш вăтам шкул музейӗн ҫӗнӗ экспозицине, ӑна нумаях пулмасть йӗркеленӗ. Ӑна шкултан вӗренсе тухакансемпе вӗренекенсен ашшӗ-амӑшӗсене, СВОна хутшӑнакансене халалланӑ.
50 вӗренсе тухаканпа 18 ашшӗ çар вахтинче тӑраҫҫӗ. Шел пулин те, вӗсенчен 12-шӗ пуçне хунă е пӗр хыпарсӑр ҫухалнӑ. Экспозици патӗнче вӗренекенсемпе экскурсисем, калаҫусем иртеҫҫӗ. Кӗске вӑхӑтлӑха отпуска килнĕ ятарлă çар операцине хутшăнакансене тӗлпулăва чӗнетпӗр.
Ҫак кунсенче шкултан 2018 ҫулта вӗренсе тухнӑ Максим Николаев пырса курнă. Ефрейтор Николаев Курск облаҫӗнче çар службине илсе пырать. Ачасем унӑн калавне питӗ интересленсе итленĕ те хӑйсен саламĕсене панă. Ҫӗнтерӳ пирӗн пулать!
Сăнÿкерчĕкĕсем: Пишпÿлекри 2-мĕш вăтам шкулăн социаллă сетьри страницинчен.
https://vk.com/bssh2