"Африка" хĕрÿ кăтартать

Кашни кун Раҫҫей штурмлакан ушкӑнĕсене пулăшса пирӗн ентеш, боец-дрон операторĕ, "ДНР Геройӗ" хисеплӗ ят илнĕскер, виҫҫӗмӗш ҫул тӑшман ҫине сывлӑшран снайперла тапӑнса аркатать.
2022 ҫулхи июньте, Пишпÿлек районӗнчи ҫар комиссариатӗнчен Шаймуратов батальонӗ йӗркеленӗ хыҫҫӑн, ултӑ доброволец ҫапӑҫма кайнӑ. Вӗсем хушшинче ҫирӗм пилӗк ҫулхи Ситек çамрăкĕ пулнӑ, вӑл сроклă службăра ҫарта малтан Елань хулинче танксен ҫарӗнче службӑра тӑнӑ, унтан Абхазире контрактпа та ӗҫленӗ. Паян ҫапӑҫусен зонинче вăл мӗнле ӗҫлени ҫинчен эпир Герой амӑшӗпе калаҫатпӑр.
— Эпӗ Абдулино хулинче ҫуралнӑ, - каласа парать Ситекри Культура çурчӗн коллективӗн ертӳҫи. — Анне "РФ Тава тивӗҫлӗ учителӗ" ятлӑ пулнӑ, хулари шкулта-гимназире математика вӗрентнӗ. Атте гарнизонсем тӑрӑх "ҫӳренӗ", унтан тӑван ҫӗршыва службӑна яма ыйтнӑ, майор званипе отставкӑна тухнӑ. Анне çулĕпе аслӑ аппа Людмила кайрӗ. Аслашшӗ пек, профессиллӗ ҫар ҫынни пулас килчӗ манӑн аслӑ ывӑлӑн, вӑл паян "Африка" позывнойпе ятарлă çар операцийĕнче службӑра тӑрать. Вӑл ачаранпах компьютер вӑййисене-"стрелялкӑсене" выляма юрататчĕ, ун чухнех унӑн "Африка" вӑйӑ логинӗ пулнӑ. Ку вӑл пульт управленийӗнчи пирвайхи утӑмсем пулчĕç. Шкултан вӗренсе тухнӑ хыҫҫӑн Пелепейри СХТра электромонтера вӗренчĕ. Анчах диплом илме ӗлкӗреймерĕ, мӗншӗн тесен ăна райвоенкомат повесткипе ҫара сроклă служба илсе кайрĕç. Унтан контрактпа служба иртрӗ. Вӑл электрик специальноҫӗпе Уфара ӗҫлеме ӗлкӗрчĕ.
Вĕсен юратнӑ упӑшкипе, вӑл та энергетикра ӗҫлекенскерпе, ҫемье пысӑк: пилӗк ывӑл тата пӗр хӗр. Ҫакна вӗсем ансат ӑнлантараҫҫӗ: ҫемьере епле пулсан та хӗр пулмалла. 2024 ҫулта ҫак мӑшӑрӑн ҫемье юбилейӗ — мӑшӑрланура 30 ҫул пӗрле пурӑнни — пилӗк ахахпа пӗр ахах хушшинче ахах туй пулнӑ.
— Пирӗн атте Кăрминче ҫуралса ӳснӗ, Ситекре хӑйӗн ҫемйипе унӑн аслӑ аппӑшӗ пурӑннӑ. Эпӗ час-часах аппасем патӗнче пулаттӑм, унта хамӑн пулас упӑшкапа паллашрăм. Эпир часах туй турăмăр, - тет малалла анне-героиня, ҫулла аллӑ ҫулхи юбилейне паллӑ тума хатӗрленекенскер. — Виҫӗ ывӑл ҫар служби витӗр паттӑрлӑх шкулӗнчен тухрĕç. Тӑваттӑмӗш ывӑл 2023 ҫулта Самарăри аэрокосмос университетне вӗренме кӗчĕ, кӗҫӗнни вара хальлӗхе Раҫҫей Геройӗ Минигали Шаймуратов ячӗллĕ улттӑмӗш класра, Пишпÿлекри вӑтам шкулта вӗренет. Унӑн аслӑ пиччӗшӗ "Африка" Пушкӑртстанри Шаймуратов батальонӗнче виҫҫӗмӗш ҫул ӗнтӗ хӑйӗн ентешӗсемпе пĕрле ҫапӑҫать. Отпуска килсен ӑна вӑтам шкула, кӗҫӗн шӑллĕ вӗренекен шкула, аслӑ класра вӗренекенсемпе тӗл пулма чӗнеҫҫӗ. Пӗрремӗш отпуска ывӑл Анне кунне килчӗ, мана пурнӑҫри чи лайӑх парне турĕ. Унӑн иккӗмӗш отпускӗ эпӗ ҫуралнӑ куна тÿр килчĕ. Ывӑл хӑйĕн служби ҫинчен нимӗн те каласа памасть. Ун ҫинчен эпир пурне те социаллӑ сетьсенчен пӗлетпӗр: Раҫҫейпе республика хаҫачӗсенче тата "Ҫар вестникӗ" журналти тӗрлӗ публикацисенчен, "Россия 1", "Звезда" тата БСТ каналсем ҫинчи телепередачӑсенчен. Журналистсемпе военкорсем пурте унӑн служби ҫинчен лайӑх калаççĕ, "Африка" боец-дрон операторӗ Раҫҫей ҫарӗсен штурмлакан ушкӑнӗсене питӗ ӑста ертсе пыни, сывлӑшран вӑхӑтра пулӑшни, тӑшманӑн чӗрӗ вӑйне снайперла тӗрӗс пырса ҫапни ҫинчен каласа параҫҫӗ.
Салтак амӑшӗ ывӑлӗ ҫинчен пичетлесе кăларнисемпе тата видеосюжетсемпе паллаштарать. Нумай сӑнӳкерчӗксем, ҫавӑн пекех ывӑлӗн ашшӗ-амӑшӗн килӗнче упранакан боевой наградисем кӑмӑла каяҫҫӗ. Ку вӑл Паттӑрлӑх орденӗ, "За отвагу", «Участник специальной военной операции», «М.Шаймуратова», «За боевые отличия», «Оператор БПЛА за боевые отличия», "Звезда Героя ДНР" медальсем.
— 2024 ҫулхи ноябрӗн 9-мӗшĕнче Геройсен кунӗнче ывӑла ДНР пуҫлӑхӗ Денис Пушилин пысӑк награда — ДНР Геройӗн Ҫӑлтӑрне пачĕ, - малалла каласа парать салтак амӑшӗ. — Анне кунӗ тӗлне эпӗ Донецк Халӑх Республикинчи Бахмут хулинчен батальон командирӗнчен чӑн-чӑн патриота тата Тӑван çӗршыва хӳтӗлекен воина воспитани панӑшӑн Тав ҫырӑвӗ илтӗм. Ҫырура командир "птичкăсем" "Африка" управленийӗнче тӑшмана сехӗрлентерни ҫинчен каласа панă. Вӑл, пилотсăр вĕçев аппарачĕсем ӗҫленӗшӗн яваплă пулса, ҫапӑҫури лару-тӑрӑва пӗлсе тытса тӑрать, кӳршӗри батальонра пӗрле ӗҫлекенсене пулӑшать. Ывӑлпа ялан ҫыхӑну тытатпăр. Эпир ӑна
ҫӗнтерӳпе киле таврӑнасса чӑтӑмсӑр кӗтетпӗр.
Владимир СМОЛОВ.
Сӑнӳкерчӗкӗ: Владимир Смолов.

Ҫар службине контрактпа каймалли ыйтусемпе çакăнта каймалла:

1. Пурӑнмалли вырӑнти ҫар комиссариатне: Пишпÿлек ялĕ, Центральная урамĕ, 45-мĕш çурт, тел. 8(34743) 2-13-57, 89273270204.
2. Хĕрÿ лини телефонĕпе – 122.
3. Госуслуги (пур пулсан) сайт ҫинче заявлени пама пулать.
Контракт службине каяс текенсемшӗн сывлӑх тата ҫулӗсем енӗпе требованисем юлаҫҫӗ. Ҫапла вара контракт тума кандидат 18 ҫултан пуҫласа 65 ҫула ҫитиччен пулмалла. Сывлӑх шайĕ çинчен тата кирлӗ документсене йӗркелени ҫинчен ҫирӗплетсе панӑ хыҫҫӑн кандидат ҫар службине суйлав пунктне каять.