Пире эсир пулӑшни питӗ кирлӗ

Пăслăкри волонтерсен ушкӑнӗн ертӳҫи ырӑ та ӑшӑ кӑмӑллӑ хӗрарӑм Валентина Митрофанова, вӑл хӑй тавра ҫавӑн пекех кӑмӑллӑ та яваплӑ хӗрарӑмсене пухнӑ. Çĕнĕ çул умĕнхи хĕвĕшĕве пăхмасăр, Пăслăкри Культура çуртĕнче маскировка сеткисем çыхма, блиндаж ҫуртисем тума, халӑхран гуманитари пулӑшӑвӗ пухма, ҫӗнӗрен килнисем валли мастер-классем тума вӑхӑт тупаҫҫӗ. Ĕç хушшинчи канусенче ятарлă çар операцине хутшăнакансен чӗнсе каланисене вулаҫҫӗ. Вӗсенчен пӗри: "Ырӑ кун пултӑр! Пирӗн Пишпӳлек районӗнчи хисеплӗ волонтерсем. Сире маскировка сеткисемшӗн пирӗн взвод ятĕнчен чĕререн тав тӑватпӑр. Пире эсир пулӑшни питӗ кирлӗ. Ҫакӑ пире вӑй парать, кăмăла ҫӗклентерет. Тайма пуҫ сире! Ҫирӗп сывлӑх, ҫемье ырлӑхӗпе пур ырлӑх сунатпӑр! Ҫӗнтерӳ пирте пулать!!!»
Маскировка сеткисем çыхма хутшӑнакансем пӗрле Тӑван çӗршыв ҫинчен "Гляжу в озера синие" юрра вĕреннĕ. Ҫӗр ҫинчи пур ырлӑх сире, хаклӑ хӗрарӑмсем. Тавтапуҫ сире ырӑ чӗресемшӗн, ылтӑн алӑсемшӗн, пулӑшушӑн!
#Своихнебросаем
Сăнÿкерчĕкĕсем: Пăслăкри Культура çурчĕн социаллă сетьри страницинчен.
https://vk.com/club114426851