Хальхи Раҫҫей Геройӗсен паттӑр ӗҫӗсем ҫӗршыв историне ӗмӗрлӗхех кӗрӗҫ

Районти ача-пӑча библиотекинче "Раҫҫей мăнаçлăхĕпе мухтавӗ" кӗнеке куравĕ умӗнче тишкĕрÿ ирттернӗ, ăна Ятарлă çар операцине хутшăнакансене тата вӗсен ҫемйисен членӗсене пулӑшу памалли çулталăка халалланӑ. Библиотекӑри курав ачасене тата ҫамрӑксене патриотизм туйӑмӗсене, Тӑван çӗршыв умӗнчи яваплӑха тата тивӗҫе воспитани пама пулӑшать. Пирӗн вӑхӑтри геройсен паттӑрлӑхне ачасем хисеплесе те мӑнаçлă пӑхчӑр, тӳрӗ, йӗркеллӗ, хӑюллӑ пулччӑр, хӑйсен пурнӑҫне тӑнӑҫлӑхпа ирӗклӗхшӗн панӑ ҫынсене яланах асра тытчӑр. Хальхи Раҫҫей Геройӗсен паттӑрла ӗҫӗсем пирӗн ҫӗршыв историне ӗмӗрлӗхех кӗрӗҫ.
Малалла библиотекарь вулакансене Максим Григорьевпа Сергей Лукьяненкăн «СВО: Непридуманные истории» кӗнекепе паллаштарнă. Роман СВО ӗҫӗсенче, ятарлӑ ҫар операцине хутшӑнакансемпе тата Киев режимӗнчен шар курнӑ Донбасри мирлӗ ҫынсемпе калаҫнӑ чухне чăн-чăн событисем ҫинче никӗсленнӗ.
#Год_поддержки_участников_СВО_и_членов_их_семей
Сăнÿкерчĕкĕсем: Пишпÿлекри ача-пăча библиотекин социаллă сетьри страницинчен.
https://vk.com/club84987221