Десантниксен тупа тунине шанчăклă

СВОна хутшăнакан Михайловкӑри Эдуард Валериянович Петров штурмлакан батальонра службӑра тӑрать.

Калинин ячӗллĕ колхозри хурт пăхакан тата лайӑх сварщик унччен сывлӑшпа десант ҫарӗсенче службӑра тӑнӑ. Пур вӑхӑтри десантниксен ҫунатлӑ пуплевне: "Пирӗнсӗр пуҫне никам та!" ҫӗршывра çирĕп пÿ-силлĕ пур ача та пӗлет, вĕсем призыв ÿсĕмсенче Раҫҫей ҫарӗнче шӑпах ВДВра служит тӑвасшӑн.

— Ҫарта, пирӗн аттесемпе асаттесем пекех, тивӗҫлӗ служит тӑвасшӑнччӗ эпӗ, тӑван Ермолкин вӑтам шкулӗнче вӗреннӗ чухнех, — тет паян ҫемйипе Михайловкӑра пурăнакан хӗрӗх пилӗк ҫулхи Эдуард Петров, ятарлӑ ҫар операци иртекен зонӑран кӗске вăхăтлăх отпуска килнӗскер. — Шкул хыҫҫӑн Пишпÿлекри ПУ-149 вĕренсе тухрăм, строитель-монтажник тата сварщик специальноҫсемпе дипломсем илтĕм. Унтан Аксенти ял хуҫалӑх техникумӗнче хурт-хӑмӑр ӑстине вӗренсе тухрӑм. Кунта ҫар службин вӑхӑчӗ ҫитрӗ. Эпӗ ун патне ӳт-пӗвӗмпе те, мораль тӗлӗшӗнчен те хатӗрччĕ. Тен, шӑпах ҫавӑнпа Раҫҫей Федерацийӗн Хӗҫпӑшаллӑ вӑйӗсен сывлӑшпа десант ҫарне лекрĕм. Иваново хулинче 98-мӗш гварди дивизийӗнче службӑра тӑтăм. Командовани контракта алӑ пусма ӳкӗтлерӗ. Эпӗ десантпа парашют полкӗн 10-мӗш уйрӑм полкӗн контрактникӗ пулса тӑтӑм. Чечня, Грузипе Абхази конфликчӗсене йӗркелеме хутшӑннӑ. Ҫапла эпӗ ҫапӑҫусен ветеранӗ пулса тӑтӑм.

Контрактпа ҫар службин срокӗ вӗҫленнӗ хыҫҫӑн пирӗн ентеш тӑван ҫӗршывра Калинин ячӗллӗ колхозра утарҫӑ пулса ӗҫлеме пуҫланă. Коллективлӑ хуҫалӑха реорганизациленӗ хыҫҫӑн Çурҫӗрелле ӗҫлеме куҫнă.

— 2024 ҫулхи июльте, нумай шухӑшланă хыҫҫӑн, Оборона министерствипе контракт тума шутларӑм. Экстремаллă лару-тӑрури ҫапӑҫусенче пысӑк опыт пур пирки, персе те курман хамăн ентешсене мӗнле те пулин пулӑшма шутларăм. Кирек мӗнле ӗҫре те, уйрӑмах вӑрҫӑра, опыт кирлӗ. Хальхи вӑхӑтра снайпер вырӑнӗнче штурмлакан батальонри юлташсемпе ҫапӑҫусене хутшӑнатӑп. Шел пулин те, пирӗн батальонра манăн ентешсем ҫук, Пушкӑртстанран гуманитари пулӑшӑвне эпир пӗрре ҫеҫ мар илтӗмӗр. Ҫакӑ боецсене мораль тӗлӗшӗнчен хавхалантарать те, ҫӗклентерет те. Эпӗ хамӑр ентешӗмӗрсемпе, тылра пулса пулăшакансемпе мăнаçланатӑп. Тавтапуҫ вӗсене пурне те!

Вутпа шыв витӗр тивӗҫлӗ майпа пыракан чӑн-чӑн салтакпа калаҫма кӑмӑллӑ. Эдуард Валерияновичӑн чӗри патӗнче халӗ те юнашарах ҫурӑлса кайнӑ минӑн пӗчӗк осколокӗ пур-ха, врачсем ӑна операципе чӑрмантарма сӗнмеҫҫӗ-ха. Йывӑр аманнӑ хыҫҫӑн унӑн тата пӳрнисем хуҫӑлнӑ, çурăм шăммин пӗр позвонокне ҫапса кăларнă. Ҫар госпиталӗнче ӑна хирургсем лайӑх сыватнӑ. Ҫапӑҫусенче паттӑрлӑхпа героизм кӑтартнӑшӑн Петровӑн командованинчен темиҫе тав çырăвĕ пур, кӑкӑрӗ ҫинче «За отвагу», «За воинскую доблесть» тата «Участник СВО» медальсем йӑлтӑртатаҫҫӗ.

Владимир СМОЛОВ.

Сӑнӳкерчӗкӗ: Владимир Смолов.

Ҫар службине контрактпа каймалли ыйтусемпе çакăнта каймалла:

1. Пурӑнмалли вырӑнти ҫар комиссариатне: Пишпÿлек ялĕ, Центральная урамĕ, 45-мĕш çурт, тел. 8(34743) 2-13-57, 89273270204.
2. Хĕрÿ лини телефонĕпе – 122.
3. Госуслуги (пур пулсан) сайт ҫинче заявлени пама пулать.

Контракт службине каяс текенсемшӗн сывлӑх тата ҫулӗсем енӗпе требованисем юлаҫҫӗ. Ҫапла вара контракт тума кандидат 18 ҫултан пуҫласа 65 ҫула ҫитиччен пулмалла. Сывлӑх шайĕ çинчен тата кирлӗ документсене йӗркелени ҫинчен ҫирӗплетсе панӑ хыҫҫӑн кандидат ҫар службине суйлав пунктне каять.