Командовани Пушкӑрт саперне СВО зонинче паттӑрлӑх кӑтартнӑшӑн тав тунӑ

«Пуп» позывнойлă СВОна хутшăнакан ҫар задачине пурнӑҫланӑ вӑхӑтра хӑюлӑхпа паттӑрлӑх кӑтартнӑ. Ҫар ҫынни хӑйӗн ушкӑнне тӑшман пеме тытӑнсан, хӑй пӗччен тухса кайнине хӳтӗленĕ.
Нефтекамск боецĕн паттӑрлӑхӗ ҫинчен хула администрацийӗ илнӗ командованин тав ҫырӑвӗнче каланӑ.
Командир ҫырӑвӗнче иртнӗ ҫул Донецк Халӑх Республикин Даченское ял тӑрӑхӗ ҫывӑхӗнче «Пуп» сапера ВСУ позицийӗсене вӑрттӑн парӑнтарма тата ҫак участокра тӑшман наступленине сирме вырӑн лаптӑкне минӑлама тӗллев лартни ҫинчен каланӑ.
«Минӑсене ҫӗрле лартнă. Анчах тӑшман пирӗн боецсене минометпа тата стрелковӑй хӗҫпӑшалпа пеме тытӑннă. Лару-тӑру кӑткӑс пулин те «Пуп» умне лартнӑ ҫар задачине туллин пурнӑҫлассине тивӗҫтернӗ, ушкӑн эвакуаци вырӑнне каяссине хӑй хӳтӗлесе юлнӑ. Унӑн ӑста ӗҫӗсене пула сапер ушкӑнӗ ҫухатусӑр тухнă», - тесе ҫырать командир.
"Пуп" Пермьре ҫуралнӑ, 1988 ҫулта Пушкӑртстана куҫса килнӗ. Ямалта вахта мелӗпе ӗҫленӗ. 2024 ҫулхи кӗркунне СВО хӗсметре тӑма кайнӑ. Сапера «Паттӑрлӑхшӑн» медальпе тата «Ятарлӑ ҫар операцине хутшӑнакана» медальпе чысланӑ.
Салтака килӗнче мӑшӑрӗ, икӗ ачи тата тӑватӑ мӑнукӗ кӗтеҫҫӗ.
Сăнÿкерчĕкĕ: Нефтекамск администрацийӗн пресс-служби/ соцсеть.

https://www.bashinform.ru/news/svo/2026-01-14/komandovanie-poblagodarilo-sapyora-iz-bashkirii-za-otvagu-v-zone-svo-4536959