Пишпÿлек район хурт-хăмăрçисем брендланă пыл сутаççĕ

"Медовый вкус" СПоК ӑнӑҫлӑ аталанать. 2022 ҫулхи ҫӗртме уйӑхӗн 1-мӗшӗ тĕлне пайщиксен пӗтӗмӗшле йышӗ — 12 ҫын. Вӗсем Пишпÿлек тата Мияки районӗсенчи уйрăм кил хуçалăх хуҫисем — хурт-хăмăрçăсем. Тара кӗрӗшнӗ сотрудниксем — икӗ ҫын. Кооператив председателӗ Фанзил Минуллович Мустафин. Вӑлах тĕп утар хуҫи.

Ку СПоКӑн хӑйне евӗрлӗ, бренд пушкӑрт пылӗн этикетки пур. Хурт-хӑмӑр ӗрчетекенсем пыл хурчӗсен пакечĕсене, ятарласа тунӑ кӗленче савăтпа пыл сутаҫҫӗ. Вӗсем Пишпÿлекре те, республикӑри ытти районсенче те ӑнӑҫлӑ суту-илӳ тӑваҫҫӗ.

Владимир СМОЛОВ.

Сăнÿкерчĕкĕсем: Владимир СМОЛОВ.