Пишпÿлек районĕнче çурхи уй-хир ӗҫӗсене ирттерме хатĕрленеççĕ

Ĕнер Пишпÿлекре районти ҫурхи уй-хир ӗҫӗсене ирттерме хатĕрленмелли семинар-канашлу пулнă. Мероприятие районти ял хуҫалӑх предприятийӗсен ертӳҫисем, тӗрлӗ организацисен представителӗсем хутшӑннă. Семинарта отрасльти лару-тӑрӑва, пулас ака ӗҫӗсене аграрисем хатӗрлессине, ял хуҫалӑх таварӗсем туса илекенсене пулӑшу памалли мерӑсене сӳтсе явнă. Пишпÿлек районӗнчи ял хуҫалӑх управленийӗн начальникӗ Артур Галеев пулас ака тапхӑрӗ пысӑк пӗлтерӗшлӗ пулнине, ҫавӑнпа ун патне пӗтӗм яваплӑхпа пымаллине палӑртнă.

Семинар теори пайне вӗҫленӗ хыҫҫӑн "Родник" ООО базинче иртнӗ практикӑллӑ сехет пулса иртнӗ. Тӗлпулӑва хутшӑнакансем хуҫалӑх ӗҫӗн опычӗпе паллашнӑ, ҫавӑн пекех пур ыйтусене те сӳтсе явнӑ.

Сăнÿкерчĕкĕсем: Пишпÿлек район администрацин социаллă сетьри страницинчен.