Район администрацийӗн пуҫлӑхне çирĕплетнĕ

Пишпÿлек район муниципаллӑ район администрацийӗн пуҫлӑхне Семенов Александр Александровича суйланӑ. Тивӗҫлӗ йышӑнӑва Пишпÿлек районĕ муниципаллӑ район Совечĕ ҫирӗплетнӗ, унӑн ларӑвӗ ӗнер, 2026 ҫулхи июнĕн 30-мӗшӗнче иртнӗ. Александр Семеновпа контракт тунӑ, вӑл должноҫ тивӗҫӗсене пурнӑҫлама тытӑннӑ.

2026 çулхи июнĕн 30-мĕшĕнче Пушкӑртстан Республикин Пишпӳлек районӗн улттӑмӗш созыври муниципаллӑ район Совечӗн 19-мӗш ларӑвӗ иртнӗ, унӑн кун йӗркине пӗр ыйту тăратнӑ — Пишпӳлек районӗ муниципаллă район администрацийӗн пуҫлӑхне суйласси. Пишпÿлек районӗ муниципаллӑ район Совечĕн ларӑвӗн ӗҫне çаксем хутшӑннă: Владимир Александрович Нагорный — Пушкӑрт Республикин Патшалӑх Пухăвĕн — Курултайӗн патшалӑх строительствипе вырӑнти хӑй тытӑмлӑх комитечӗн председателӗ, Юрий Александрович Коземаслов — Пушкӑртстан Республикин Пуҫлӑхӗн Муниципаллӑ йӗркелӳсемпе килӗштерсе ĕҫлекен Администраци управленийӗн пуҫлӑхӗ, Александр Петрович Зиновьев — Пушкӑртстан Республики Пуҫлӑхӗн Муниципаллӑ образованисемпе ҫыхӑнса ӗҫлекен управленийӗн вырӑнти хӑй тытӑмлӑх органӗпе ӗҫлекен пайӗн тӗп канашҫи.

«Об общих принципах организации местного самоуправления в единой системе публичной власти» Федераци саккунӗн 22 статйипе килӗшӳллӗн вырӑнти администраци пуҫлӑхне муниципалитет пӗрлӗхӗн конкурс суйлавне иртнӗ кандидатсен шутӗнчен представительне палӑртаҫҫӗ. Конкурс комиссийӗн 2026 ҫулхи мартăн 24-мĕшĕнчи йышӑнӑвӗпе килӗшӳллӗн тӑратнӑ документсене тӗпе хурса конкурса хутшӑнма виҫӗ конкурсанта кӗртнӗ, «Пушкӑртстан Республикин муниципаллӑ йӗркелӳсен канашӗ» Ассоциацин эксперт комиссине янӑ.

2026 ҫулхи мартăн 17-мӗшӗнче «Пушкӑртстан Республикин муниципаллӑ йӗркелÿсен канашӗ» Ассоциацин эксперт комиссийӗ ирттернӗ калаçусен пӗтӗмлетӗвӗсем тӑрӑх Александр Александрович Семенов кандидат саккунпа законодательство пӗлӗвӗн шайӗпе килӗшсе тӑни пирки пӗтӗмлетӳ панӑ, эксперт комиссийӗн членӗсем пурте «майлӑ» сасӑланӑ.

Александр Александрович Семенов конкурс комиссийӗн членӗсемпе уйрӑммӑн калаҫнӑ чухне компетенцисен ҫӳллӗ шайне кăтарнă, чи пысăк балл пухнӑ.

Пишпӳлек районӗ муниципаллӑ район Совечӗн депутачӗсем конкурс комиссийӗн йышӑнӑвне ырланă. Пушкӑртстан Республикин Пишпӳлек район администрацин пуҫлӑхне Александр Александрович Семенова лартассишӗн пӗр саслӑн сасӑланă.

Кӗске справка: Александр Александрович Семенов 1973 çулхи июнĕн 11-мĕшĕнче Пишпÿлек ялĕнче çуралнă.

Вӗренӳ: аслӑ пĕлÿ илнĕ. 2008 çулта Пушкӑрт Республикин Президенчӗ ҫумӗнчи патшалӑх службин тата управленийӗн Пушкӑрт академине пӗтернӗ, специальноҫĕ — патшалӑх муниципаллӑ управлени.

Пушкӑртстан Республикин Пишпӳлек районӗ муниципаллӑ район Совечӗ.