Пишпÿлекре шкул умĕнче тротуар малалла хураççĕ

Пишпӳлекри 2-мӗш вăтам шкул ҫумӗнчи территорие тирпей-илем кӗртессине халалланӑ техника канашлӑвӗ Пишпӳлек район администрацийӗпе тата Пушкӑртстан Республикин Курултайӗн Патшалӑх Пухӑвӗн депутачӗпе Р.Ш. Бадамшинпа иртнĕ. Комисси членӗсем шкул территорийӗ умӗнче тротуар хурассин черетлӗ тапхӑрӗпе паллашнă, подрядчикпа пӗрле вӗрентекенсене халалланӑ пулас сквера малалла тирпей-илем кӗртессине сӳтсе явнă.
Тротуар хурассине картишсемпе общество лаптӑкӗсене тирпей-илем кӗртес тӗллевлӗ «Хӑтлӑ хула хутлӑхне йӗркелесси» федераци проекчӗпе килӗшӳллӗн ирттереҫҫӗ.

Сăнÿкерчĕкĕсем: Пишпӳлекри 2-мӗш вăтам шкулăн социаллă сетьри страницинчен.
https://vk.ru/bssh2