Ситекпуçĕнче В.Н. Степанова асӑнса стелă чаплӑн уҫнă

Октябрӗн 16-мӗшӗнче Ситекпуç ялӗнче, «Патриот» паркра, ятарлӑ ҫар операцийӗ вӑхӑтӗнче пуçне хунă боеца Владислав Николаевич Степанова асӑнса стела уҫнине тата хисепленине халалланӑ мероприяти иртнӗ. Ҫак ялта ҫуралса ӳснӗ Владислав 2025 ҫулхи чӳк уйӑхӗнче Оборона министерствипе хӑй ирӗкӗпе контракта алӑ пусса Тӑван ҫӗршыва хӳтӗлеме тӑнӑ. Шел те, 2025 ҫулхи раштав уйӑхӗнче вӑл ҫапӑҫу заданине пурнӑҫланӑ май пуçне хунă.
Мероприятире Владиславӑн тӑванӗсемпе ҫывӑх ҫыннисем, ял ҫыннисем, Пишпӳлек район администраци пуҫлӑхӗ — Александр Александрович Семенов, Пишпӳлек ял Совечĕн пуҫлӑхӗ — Радик Раисович Гиззатуллин, Пишпӳлек районӗнчи «Защитники Отечества» фондӑн социаллӑ координаторӗ — Гузель Ахметовна Хисамутдинова хутшăннă.
Мероприяти ӑшӑ та туслӑ лару-тӑрура иртнӗ. Владислав ячӗпе унӑн паттӑрлӑхне, Тӑван ҫӗршыва парӑннине палӑртакан ӑшӑ сӑмахсем нумай каланӑ. Унта хутшӑнакансем паттӑра асӑнма килнисене пурне те тав тунă.
Стела уҫӑлни мирлӗ пуласлӑхшӑн хӑйсен пурнӑҫне панисене хисеплемелли, асӑнмалли символ пулса тӑнă. Ҫак пулӑм Владислав Николаевича ӗмӗрлӗхе асра хӑварать кӑна мар, хӑйсен ҫӗршывне хӳтӗлекенсен паттӑрлӑхӗпе харсӑрлӑхне те аса илтерет.
Владислава тата ятарлӑ ҫар операцийӗ вӑхӑтӗнче пуҫне хунӑ ытти паттӑра асра тытни ҫынсен чӗринче пурӑнӗ, стела уҫни пек пуҫарусем вара вӗсен еткерлӗхне пулас ӑрусем валли упраса хӑварма пулӑшаҫҫӗ.

#ППМИ2027
#Башкортостан
#Бижбулякскийрайон
#Седякбаш
Сăнÿкерчĕкĕсем: Пишпÿлек ял Совечĕн социаллă сетьри страницинчен.
https://vk.ru/sp_bizh