«Çамрăк профессионалсем» IX Наци чемпионачĕпе (WorldSkills Russia) пĕрле професси суйласа илес тесен мӗн тумалла?

Паян Уфара «Çамрăк профессионалсем» Наци чемпионачӗн финалӗ стартланать (WorldSkills Russia). Тӗп ӑмӑрту площадки Ру-бежная урамри «Çамрӑк профессионалсен паркӗ» пулса тӑрӗ. Мероприятин ӗҫлӗ программи августӑн 26-мӗшӗнчен пуҫласа 28-мӗшӗччен «Торатау» конгресс-холра иртет.

Уфӑна пӗтӗмпе 1800 конкурсант килет, вӗсенчен 600-шӗ юниорсем. Эксперт пӗрлӗхне 2000-е яхӑн ҫын кĕрет. Чемпионата РФ 76 регионӗнчен командăсем хутшӑнӗҫ. Пушкӑртстан Республикин командинче 498 ҫын — 280 конкурсант тата 218 эксперт шутланать.

Регион 103 компетенципе ӑмӑртусене хутшăнать. Кирек кам та ӗҫтешсенчен try-а-skill форматпа ("хӑвна профессире тытма хӑтланса пӑх") хӑйсене тĕрĕслесе пăхма пултарать. Парк территорийӗнче ачасем валли зона ӗҫлеме тытӑнать, унта опытлӑ наставниксем тӗрлӗ ҫулти шкул ачисене профориентацилеме пулӑшаҫҫӗ. Августӑн 26, 27 тата 28-мӗшӗсенче «Парк молодых профессионалов» территорине кӗрес текенсемшӗн пурин те ирӗклӗ пулать.

«Ҫамрӑк профессионалсем» наци чемпионачӗн финалӗ (WorldSkills Russia) — WorldSkills стандартсем тӑрӑх Професси ӑсталӑхӗн Финалӗ Раççейри чи масштаблă ăмăрту. Вăл вăтам професси тата аслă пĕлÿ паракан вĕренÿ заведенийĕсен студенчĕсем (16-25 çул таран) тата WORLDSKILLS Russia Juniiors енĕпе 16 çулчченхи шкул ачисем хушшинче иртет.

#WorldSkillsRussia #Нацфинал2021 #НацфиналУфа