Раҫҫей вӗрентӳ министрӗ WorldSkills Пушкӑртстанра ҫирӗплетме май пурри ҫинчен каларӗ

Сергей Кравцов Пушкăртстан тӗп хулинче пулнă. Министр WorldSkills Russia – 2021 наци финалне хупнă церемоние хутшӑннă.

Сергей Кравцов ӗҫ профессийӗсен чемпионачӗ валли яланхи площадка Уфара вырнаҫма пултаракан пирки журналист ыйтӑвне хуравланӑ май пĕлтернĕ:

– Ҫӑмӑл мар, анчах татса пама май пур ыйту.

Аса илтеретпӗр, Уфара WorldSkills чемпионатне яланхи площадка тума пуҫарупа Пушкӑртстанри «Ҫамрӑк профессионалсем» чемпионатӑн пленарлӑ ларӑвӗнче Радий Хабиров сӑмах тухса каларӗ.

– WorldSkills та кунта хутшăнасса эпӗ питӗ шанатӑп, ҫавӑнпа эпир пӗрле ҫак задачӑна татса парӑпӑр, – тенӗ Сергей Кравцов.

Министр федераци тӗп центрӗ кирлӗ пулнине палӑртрӗ, унта чемпионат ирттернипе пӗрле методикӑсем туса хатӗрлĕç.

Сергей Кравцов каланӑ тӑрӑх, федераци «Ҫамрӑк профессионалсем» проект шайӗнче WorldSkills площадкӑсем туса хунӑ, вӗсем хӑйсен ӑсталӑхӗпе усӑ курма тата ҫамрӑксене ӗҫ профессийӗсене явӑҫтарма май параҫҫӗ.

– Ку кирлӗ, 9 класс хыҫҫӑн шкул ачисен 60 проценчӗ колледжа каять, - палӑртнă министр.

#WorldSkillsRussia #Нацфинал2021 #НацфиналУфа.

«Башинформ»информацийĕпе.