Пуçласа паспорт илнĕ

Пишпÿлек районӗнчи Федераци миграци службин Управленийӗнче Раҫҫей кунне уявлас умӗн 14 ҫул тултарнӑ тӗрлӗ ялсенчи тӑхӑр ҫамрӑк граждана паспортсем парассин уявла церемонийĕ иртрӗ. Паспортсене, хуплашкисене, Конституци текстне, пылак призсемпе тӗслӗ шарсене паспорт сӗтелӗн ӗҫченӗсем Альбина Ямаева ертсе пынипе тата ҫамрӑксен "Вектор" центрӗн сотрудникӗсем панӑ.

Раҫҫей Федерацийӗн гражданинӗн тӗп документне илме ачасемпе пĕрле тӑванӗсемпе ҫывӑх ҫыннисем те килнӗ. Вӗсене Пишпÿлек районӗнчи ОВД начальникӗ Азат Хазиев ӑшшӑн саламларӗ, кашни ҫӗршыв гражданӗсен паспортне илнӗ хыҫҫӑн правӑсем ҫеҫ мар, пурин те пурнӑҫламалли тивĕçсем те пуçланни пирки те аса илтерчӗ, шкулти савӑнӑҫлӑ каникулсенче ырӑ кӑмӑл, кулӑ тата савӑнӑҫлӑ ӗҫсем тума сунчĕ.

Владимир СМОЛОВ.

Сăнÿкерчĕкĕ: Владимир СМОЛОВ.