Стерлитамак районӗнче ача-пӑча вали "Аграри смени" иртӗ

Стерлитамак районӗнчи "Колос" ача-пӑча сывлӑх лагерӗнче регионта пӗрремӗш "Аграри смени" иртӗ, пӗлтерет регионти Ял хуҫалӑх министерствин пресс-служби.

Смена июлӗн 24-мӗшӗнчен пуҫласа августӑн 13-мӗшӗччен тӑсӑлӗ. Профиль сменин шайӗнче ӳсентӑран ӗрчетес, выльӑх-чӗрлӗх ӗрчетес, ландшафт дизайнӗпе ӑсталӑх-классем иртеҫҫӗ. Ачасене пыл тата кондитер ӗҫӗн пахалӑхне палӑртмалли меслетсене вӗрентеҫҫӗ, ҫавӑн пекех плансенче — республикӑри агропромышленноҫ комплексӗн малта пыракан предприятийӗсене кайса курасси.

"Агросменӑна" "Агрокласс" проект шайӗнче йӗркеленӗ, вӑл ПР Ял хуҫалӑх министерствипе, ПР Вӗренӳ тата наука министерствипе, республикӑри пӗтӗмӗшле пӗлӳ паракан шкулсемпе пӗрле пурнӑҫланать.  

https://resbash.ru