«iВолга» форума Пушкӑрт ҫамрӑкӗсен 100 ытла представителӗ хутшӑнать

Пушкӑрт ҫамрӑкӗсем ҫулсеренех «iВолга» ӗҫне хутшӑнаҫҫӗ. Делегацисемпе проектсене форума хатӗрлессипе Пушкӑртстанри ҫамрӑксен политикипе ҫыхӑннӑ Патшалӑх комитечӗн ҫамрӑксен проект офисӗн команди ĕçлет.

Пушкӑртстан Республикинчен форума 112 ҫын килнӗ.

Делегаци чатӑрӗпе юнашар вунтӑватӑ туратлӑ йывӑҫ пек арт-объект лартнă, унӑн тӑрринче саркайӑк ларать. Вулли—Раҫҫей, турачӗсем—федераци Атӑлҫи округӗнчи 14 регион. Арт-объект форума хутшӑнакансене, ҫӗршывӑн пӗр йӑхӗпе пӗрлешнӗ ҫынсене сăнласа парать.

Регион проекчӗсем наци колоричӗпе уйрӑлса тӑраҫҫӗ. Сӑмахран, Линиза Султангужина «iВолга» форума "Спорт в народ" спорт ӑмӑртӑвӗсен ҫамрӑксен фестивалне ирттермелли пуҫарупа килнӗ.

Хӗр Пушкӑртстан делегацийӗн командине кӗрет, форума хутшӑнакансем валли йӑлана кӗнӗ "сабантуй"уява хатӗрлет. Унта июлӗн 26-мӗшӗнче форум хулинче пурӑнакансем пурте хутшӑнма пултараҫҫӗ.

МИХ информацийĕпе.