Ачасемпе ҫамрӑксен Раҫҫей юхӑмӗ "Малтисен юхӑмӗ" ят илнӗ

Раҫҫейри ачасемпе ҫамрӑксен юхӑмне хутшӑнакансем Мускаври пӗрремӗш съездра "Малтисен юхăмĕ" ята суйласа илнӗ. Ҫак вариантшӑн 1278 ҫын сасӑланӑ, ҫиччӗн хирӗҫ тухнӑ, 13 ҫын тытӑнса тӑнӑ. Съездра пӗтӗмпе 1393 ҫын пулнă, пӗлтерет РИА Новости.
Раҫҫейри ачасемпе ҫамрӑксен юхӑмӗн пӗрремӗш съезчӗ декабрӗн 18-мӗшӗнчен пуҫласа 20-мӗшӗччен Мускавра иртет. "Башинформ" пӗлтернӗ тӑрӑх, Пушкӑртстана съездра икӗ педагог-наставник тата республикӑри ачасемпе ҫамрӑксен пӗрлешӗвӗсенчен 15 активист тӑратнă.
"Башинформ" информацийĕпе.
Сӑнӳкерчӗк: Пушкӑртстан Вӗрентÿ министерстви.